TAARIFA MPYA KUHUSU APP YETU KAMA BADO HUPATI HABARI ZETU

Habari!! Ni kipindi cha takribani wiki 1 kimepita ukiwa hupati habari, tunaomba radhi kwasababu tumekuwa tukifanya maboresho zaidi.

Leo tumekuletea habari njema ni kuwa tayari App mpya ipo playstore na unaweza kuidownload hapa chini ili kuendelea kupata habari zetu.

BONYEZA HAPA KUIDOWNLOAD APP YETU MPYA UKISHA BOFYA BONYEZA NENO OPEN IN PLAYSTORE KISHA INSTALL APP YETU MPYA!! NI RAHISI TU

"Tunarudi kileleni tunakostahili" - Nugaz

Kuelekea mechi ya Ligi Kuu Tanzania Bara (VPL) kati ya Yanga na Polisi Tanzania, Msemaji na Afisa Muhamasishaji wa klabu hiyo, Antonio Nugaz amesema kuwa sasa wamerejea rasmi katika ligi na watatembeza kichapo kwa yeyote atakayetokea.

Akizungumza na EATV&EA Radio Digital katika Makao Makuu ya Klabu hiyo, Nugaz amesema kuwa kesho Alhamisi, mashabiki wa Yanga wantakiwa kuja kufurahi uwanjani kwakuwa kazi waliyonayo hivi sasa ni kukusanya kila pointi tatu zilizo mbele yao.

"Polisi Tanzania tulishawahi kucheza nao mechi ya kirafiki na tukapoteza dhidi yao, lakini wajue kabisa unapokuwa na Yanga mashindanoni ni tofauti kabisa unapocheza nayo kirafiki, hilo walizingatie", amesema Nugaz.

"Tunataka mashabiki wetu wafike uwanjani kusapoti timu yao, kesho tumejipanga kupambana kuhakikisha kila anayeshuka Dar es Salaam na hata nje ya Dar es Salaam tunachukua pointi tatu kuhakikisha tunarudi kileleni ambako Yanga inastahili kukaa", ameongeza.

Yanga ilipoteza mchezo wa kwanza wa ligi dhidi ya Ruvu Shooting kwa bao 1-0 na sasa iko katika nafasi za mwisho za ligi, ikiwa imecheza mchezo mmoja pekee.

Wambura aomba msamaha na kukiri makosa yake kwa DPP

Aliyekuwa Makamu wa Rais wa Shirikisho la Soka Tanzania(TFF), Michael Wambura ameieleza Mahakama ya Hakimu Mkazi kisutu kuwa ameandika barua kwa Mkurugenzi wa Mashtaka Nchini(DPP) kwa ajili ya kuomba msamaha na kukiri makosa yake.

Wambura alifikishwa Mahakamani hapo kwa mara ya kwanza Februari 11 mwaka huu akikabiliwa na mashtaka 17 yakiwemo ya kutakatisha fedha zaidi ya Tsh.Mil 100, katika kesi ya uhujumu uchumi namba 10/2019.

Hayo yamebainika mbele ya Hakimu Mfawidhi, Kelvin Mhina baada ya Wambura kueleza kuwa ameandika barua kwa DPP ili kuomba msamaha na kukiri makosa yake hivyo anauomba upande wa mashtaka kufuatilia ili aweze kupata haki yake.

Baada ya maelezo hayo Hakimu Mhina ameahirisha shauri hilo hadi Oktoba 16, 2019 itakapokuja kwa ajili ya kutajwa.

MBEYA BOY “NILIKOPA NIKATE

CEO Mpya Simba ashangazwa na Simba kusajili wachezaji kutoka Brazil

CEO wa Simba Senzo Mazingiza amekuja na mkakati ambao utaiwezesha klabu hiyo kupunguza matumizi yasiyo ya lazima

Senzo aliyeingia ofisini mwezi uliopita akichukua nafasi ya Crescentius Magori ambaye mkataba wake ulimalizika, ameweka mkakati huo baada ya kutoridhishwa gharama ambazo Simba imekuwa ikitumia

Moja ya mambo ambayo ameyafanyia kazi kwa haraka, ni kukamilika kwa ujenzi wa uwanja wa Simba ulioko Bunju jijini Dar es salaam

Mwenyekiti wa Bodi ya Wakurugenzi Mohammed Dewji tayari ameahidi Simba huenda ikaanza kufanya mazoezi kwenye uwanja huo kuanzia mwishoni mwa mwezi huu

Simba imekuwa ikitumia uwanja wa Gymkhana kwa ajili ya mazoezi ambao gharama yake kwa siku ni Tsh 500,000/-. Wakati mwingine hutumia uwanja wa Boko Veterans ambao gharama yake sio chini ya 300,000/-

Pia inaelezwa Senzo amehamisha kambi ya Simba iliyokuwa ikiwekwa Sea Scape Hotel

Bosi huyo ameahidi kufuatilia kwa ukaribu michakato ya usajili iliyofanyika

Ameeleza kushangazwa na Simba kusajili wachezaji kutoka Brazil

TAARIFA MPYA KUTOKA YANGA NI KUHUSU MCHEZAJI BALAMA

Kiungo Mapinduzi Balama amejumuishwa kwenye kikosi cha Yanga kilichoingia kambini kujiandaa  na mchezo wa ligi kuu dhidi ya Polisi Tanzania

Mchezo huo utapigwa kesho Alhamisi kwenye uwanja wa Uhuru

Balama amekuwa nje ya uwanja kwa wiki mbili akiuguza majeraha ya nyama za paja aliyopata kwenye mchezo wa ligi ya mabingwa dhidi ya Zesco United

Kurejea kwa kiraka huyo ni habari njema kwa kocha Mwinyi Zahera ambaye kesho kikosi chake kitashuka dimbani kusaka ushindi wa kwanza ligi kuu ya Vodacom msimu huu

Ratiba ya Mechi za Simba mwezi huu wa Oktoba

Ukiondoa timu za Azam Fc na Yanga ambazo zinapaswa kucheza mechi zao za viporo wiki hii, ligi itasimama kwa takribani wiki tatu kupisha kalenda ya michuano ya Kimataifa

Mabingwa wa Tanzania Simba watashuka tena dimbani Oktoba 23 kuikabili Azam Fc

Baadae watasafiri kwenda mkoani Singida kuikabili Singida United mchezo ukitarajiwa kupigwa Oktoba 27

Oktoba 30 Simba itakuwa Shinyanga kuumana na Mwadui FC

TETESI ZA USAJILI BARANI ULAYA LEO JUMATANO

Mshambuliaji wa Manchester United na Chile Alexis Sanchez, 30, amesema "ameyapata tena mapenzi yake ya kucheza mpira" baada ya kujiunga kwa mkopo na Inter Milan. (Eurosport)

Manchester United wanataka kumsajili mshambuliaji wa klabu ya Lyon Moussa Dembele, 23, na kiungo wa Newcastle Sean Longstaff, 21, mwezi January. (Star)

Image captionWillian (kulia0 amekuwa aikiwindwa na Barcelona kwa muda sasa.

Barcelona wanajipanga kutuma tena ofa ya usajili kwa kiungo wa Chelsea na Brazil Willian, 31, ambaye bado hajasaini mkataba mpya na Chelsea, na alionao unaisha mwishoni mwa msimu. (Mundo Deportivo via Express)

Mshambuliaji wa Burnley Jay Rodriguez, 30, anahusishwa na tetesi za kushtukiza za uhamisho kuelekea klabu ya Inter Milan mwezi Januari. (Calcio Mercato via Sport Witness)

Haki miliki ya pichaCHRIS RICCO/GETTY IMAGES

Image captionMassimiliano Allegri

Kocha wa zamani wa Juventus Mtaliano Massimiliano Allegri, 52, anajifunza Kingereza akilenga kuhamia katika Ligi ya Primia, husussan klabu ya the Manchester United. (Guardian)

Kocha wa Liverpool Jurgen Klopp atasikitishwa sana iwapo watalazimishwa kucheza mchezo wa marudiano wa Kombe la Corabao dhidi ya MK Dons kama adhabu ya kumchezesha mchezaji asiyestahili. (Times)

Haki miliki ya pichaSEBASTIAN FREJ/MB MEDIA

Image captionSon Heung-min

Mshambuliaji wa Tottenham na Korea Kusini Son Heung-min, 27, amesema kuwa alitaka kuihama klabu hiyo mwaka 2016 lakini akashawishiwa kubaki na kocha Mauricio Pochettino. (Goal)

Kocha wa Newcastle United Steve Bruce amewauliza kwa hasira wachezaji wake iwapo wanataka kuendelea kuichezea klabu hiyo kwa moyo mmoja baada ya kupokea kichapo cha goli 5-0 dhidi ya Leicester. (Telegraph)

Haki miliki ya pichaGETTY IMAGES

Mlinzi wa zamani wa Man United na timu ya taifa ya England Rio Ferdinand amependekeza kuwa mshambuliaji wa klabu ya Tottenham na timu ya taifa ya England Harry Kane, 26, ahame klabu yake iwapo anataka kushinda mataji makubwa. (Mail)

Beki wa England England Kieran Trippier, 29, amesema "sikujiuliza mara mbili" juu ya kuihama Tottenham yenye maskani yake Kaskazini mwa London na kujiunga na klabu ya Atletico Madrid ya Uhispania. (Football.London)

Atletico Madrid wamefanya mazungumzo na klabu ya Al Rayyan ya Qatar juu ya usajili wa mshambuliaji Diego Costa. (AS Diario via Mail)

Everton wameshindwa kumsajili mshambuliaji kinda wa Ureno Rafael Leao licha ya kutoa kitita cha euro milioni 30. Klabu ya Lille ilimuuza mshambuliaji huyo AC Milan. (Tuttosport via Liverpool Echo)

Samatta kuipa ushindi wa kwanza UEFA klabu yake ya Genk leo mbele ya Napoli ?

Nahodha wa timu ya taifa ya Tanzania, Mbwana Samatta usiku wa leo akiwa na klabu yake ya KRC Genk anatarajiwa kushuka dimbani kwa mchezo wake wa pili wa michuano ya Klabu Bingwa Ulaya (Champions League) dhidi ya Napoli.

Genk, itakuwa nyumbani Ubelgiji katika dimba la Luminus Arena ikiwakaribisha miamba kutoka Italia klabu ya Napoli.

Katika mchezo wake wa kwanza Genk iliangushiwa kichapo kizito cha goli 6-2 ugenini dhidi ya RB Salzburg, huku Samatta akifunga goli moja la kufutia machozi.

Katika mchezo huo, Samatta aliweka rekodi binafsi ya kuwa Mtanzania wa kwanza kucheza Champions League na kufunga goli. Napoli wao walianza kwa kuwafunga mabingwa watetezi Liverpool goli 2-0.

Hivyo, Genk hii leo watakuwa tena na kibarua kizito cha kuwazuia Napoli.

 

Hata hivyo, japo Genk haijawahi kupata ushindi hata mechi moja ya Champions League katika mara zote tatu walizoshiri michuano hiyo, wamefungwa mechi moja tu nyumbani kati ya sita walizocheza na kutoka sare tano.

Napoli pia hawajapata ushindi wakiwa ugenini kwenye hatua ya makundi ya Champions League katika mechi sita zilizopita. Hivyo, japo si ya kutumainia, historia inaweza kuwabeba Genk na kupata walau sare.

Image captionKalidou Koulibaly alimkaba Samatta vilivyo Senegal ilipoifunga Tanzania 2-0 kwenye micuano ya Afcon.

Mechi ya leo pia itawakutanisha tena Samatta na beki kisiki Kalidou Koulibaly raia wa Senegal.

Wawili hao waliminyana kwenye michuano ya Afcon Juni 23mwaka huu ambapo Senegal ilipata ushindi wa 2-0 dhidi ya Tanzania.

Je, Samatta ataweza kumpita Koulibally leo na kufunga goli baada ya kushindwa kufurukuta mbele yake Afcon?

Mechi hiyo itapigwa kuanzia saa mbili kasoro dakika tano za usiku kwa saa za Afrika Mashariki.

Tottenham Hotspurs wapata kipigo cha kihistoria kutoka Bayern

Usiku wa October 1 2019 ulikuwa ni usiku wa muendelezo wa game za hatua ya makundi ya michuano ya UEFA Champions League, usiku huo zilichezwa game nane za makundi lakini game iliyokuwa gumzo mtandaoni ni game ya Tottenham Hotspurs dhidi ya FC Bayern Munich ya Ujerumani, game hii imechezwa London katika uwanja wa Tottenham Hotspurs.

Wakati game hii inaanza haikuwa inawekewa uzito sana kutokana na timu zinazocheza sio kubwa sana na hazina mashabiki sana kwa ukanda wa Afrika Mashariki, baada ya kuanza kuchezwa na Tottenham Hotspurs kuruhusu goli nyingi ndipo gumzo likaibuka na watu kuanza kuifuatilia ili kujua makamu Bingwa wa UEFA Champions League msimu uliopita kwa maana mshindi wa pili kapatwa na nini.

Magoli ya Joshua Kimmich dakika ya 15, Robert Lewandowski aliyefunga mawili dakika ya 45 na 87 pamoja na Serge Gnabry aliyefunga hart-trick dakika ya 53, 55, 83 na 88 na kuufanya mchezo umalizike kwa magoli 7-2, huku Spurs wakifunga mawili kupitia kwa Son Heung-Min dakika ya 12 na Harry Kane kwa mkwaju wa penati dakika ya 61 kunaifanya Tottenham Hospurs kuingia katika rekodi mbaya ya kuwa hiko ndio kipigo chao kikubwa cha kwanza katika historia yao kufungwa katika game yao ya nyumbani.

Matokeo ya game nyingine za UEFA Champions League zilizochezwa usiku wa October 1 2019.

VIDEO: Mbwembwe za mchezaji wa Arsenal akiwa barabarani na gari lake Ferrari

NI Headlines za mchezaji Aubameyang anaekipiga katika klabu ya Arsenal huko nchini Uingereza, siku za hivi karibu mchezaji huyo ameonekana na gari aina ya Ferrari lenye thamani ya shilingi Paundi Milioni 3 sawa na fedha za kitanzania Bilioni 8.

Nimekusogezea hii video hapa ujionee jinsi alivyoingia nalo barabarani kisha akashuka na kuzungumza na mashabiki

Simba yaendea na program za mazoezi Gymkhana

Vinara wa ligi kuu ya Vodacom Simba leo wameendelea na program za mazoezi kujiandaa na michezo inayofuata

Simba imerejea jana kutoka kanda ya ziwa ilikofanikiwa kuondoka na alama zote sita kwa kushinda michezo miwili dhidi ya Kagera Sugar na Biashara United

Hata hivyo baadhi ya wachezaji hawakuonekana mazoezini lakini kocha Mkuu Patrick Aussems amesema ana taarifa zao

Kiungo Jonas Mkude ni miongoni mwa wachezaji ambao hawakufika mazoezini leo

Wengine ni Hassani Dilunga na Meddie Kagere wakati mkongwe Erasto Nyoni alifika lakini hakufanya mazoezi

Nyota wengine waliendelea na program za mazoezi isipokuwa Gadiel Michael na Clatous Chama ambao ni majeruhi na wamepewa program maalum

TUMEBORESHA APP YETU, TAFADHALI BOFYA HAPA CHINI KUDOWNLOAD APP YETU MPYA ILI KUENDELEA KUPOKEA HABARI KWA WAKATI NA KUTAZAMA MECHI ZOTE LIVE ( UKISHA BOFYA, BONYEZA NENO OPEN IN PLAY STORE KISHA INSTALL )

BONYEZA HAPA KUDOWNLOAD APP YETU MPYA BURE KABISA

Yanga yaanza kumnyatia Mshambuliaji huyu wa UD SONGO

Unamkumbuka yuke mshambuliaji wa UD Songo aliyewafunga Simba walipokuja kucheza jijini Dar es salaam?

Anaitwa Luís Miquisson, taarifa zinaeleza yuko kwenye rada za Yanga

Baada ya safu ya ushambuliaji ya Yanga kuanza kwa kusuasua, imeelezwa mchakato wa kusaka washambuliaji ili kuiongezea nguvu safu hiyo umeanza

Mwenyekiti wa Yanga Dk Mshindi Msolla ameeleza kuvutiwa na mshambuliaji huyo na amekiri kutuma watu wamfuatilie

"Wachezaji tulionao si wabaya sana, tatizo tulilonalo tumeingiza wachezaji wengi wapya, wanahitaji muda wa kukaa pamoja kwa muda mrefu…kwanza hata kwa timu ilivyo sasa, mwalimu Zahera (Mwinyi), amejitahidi sana," Dk Msolla amenukuliwa na gazeti la Bingwa

"Pamoja na hilo, tunahitaji kupata wachezaji wa kiwango cha juu zaidi wa kuamua matokeo…mchezaji kama yule wa UD Songo (Miquissone) ambaye shughuli yake sote tuliiona walipocheza na Simba. Ukiwa na wachezaji wawili au watatu kama wale, unakuwa na uhakika wa ushindi."

Alipoulizwa iwapo Miquissone yupo katika mipango ya Yanga, Dk. Msolla alisema:

"Ndiyo, kuna mtu analishughulikia hilo, lakini pia tunaendelea kuwafuatilia wengine wenye kiwango cha juu kutoka katika timu hizi zilizopo Ligi ya Mabingwa, tutaangalia wale watakaong’ara hatua za awali na raundi ya kwanza kabla ya kuingia makundi"

Pamoja na Luis, Yanga pia huenda ikajaribu kumuwania mshambuliaji wa Platinum FC Perfect Chikwende ambaye juzi aliiangamiza UD Songo kwa kufunga hat-trik kwenye mchezo wa ligi ya mabingwa na kuipeleka timu hiyo hatua ya makundi

Hata hivyo Yanga haitaweza kumpata mchezaji huyo wakati huu labda mpaka mwezi Juni wakati wa dirisha kubwa la usajili

TUMEBORESHA APP YETU, TAFADHALI BOFYA HAPA CHINI KUDOWNLOAD APP YETU MPYA ILI KUENDELEA KUPOKEA HABARI KWA WAKATI NA KUTAZAMA MECHI ZOTE LIVE ( UKISHA BOFYA, BONYEZA NENO OPEN IN PLAY STORE KISHA INSTALL )

BONYEZA HAPA KUDOWNLOAD APP YETU MPYA BURE KABISA

Mechi dhidi ya Polisi Tanzania kuchezwa Alhamisi

Baada ya kumaliza majukumu ya ligi ya mabingwa na wakati wakisubiri kumfahamu mpinzani wao kwenye michuano ya kombe la Shirikosho, kikosi cha Yanga kinarejea katika ligi kuu ya Vodacom ambao keshokutwa Alhamisi kitakuwa dimba la Uhuru kuikaribisha Polisi Tanzania

Yanga iliyopoteza mchezo wake wa ufunguzi dhidi ya Ruvu Shooting, inahitaji ushindi kwenye mchezo huo

Polisi ilicheza na Yanga wakati wa maandalizi ya msimu na kufanikiwa kuibuka na ushindi wa mabao 2-0

Hata hivyo, kocha Mwinyi Zahera hakutumia kikosi chake cha kwanza kwenye mchezo huo

Mshambuliaji David Molinga ambaye hana leseni ya kushiriki michuano ya CAF, atarejea kikosini kuungana na kina Sadney Urikhob, Patrick Sibomana na Juma Balinya kuhakikisha Yanga inashinda

Jumapili Oktoba 06 Yanga itarejea tena dimba la Uhuru kuikabili Coastal Union

TUMEBORESHA APP YETU, TAFADHALI BOFYA HAPA CHINI KUDOWNLOAD APP YETU MPYA ILI KUENDELEA KUPOKEA HABARI KWA WAKATI NA KUTAZAMA MECHI ZOTE LIVE ( UKISHA BOFYA, BONYEZA NENO OPEN IN PLAY STORE KISHA INSTALL )

BONYEZA HAPA KUDOWNLOAD APP YETU MPYA BURE KABISA

Tetesi za Usajili barani ulaya Leo Jumanne

Kocha wa zamani wa Arenal, Arsenal Arsene Wenger yupo kwenye orodha ya makocha wanaowaniwa na miamba ya Italia AC Milan kurithi mikoba ya kocha Marco Giampaolo. (Gazzetta dello Sport - in Italian)

Mshambuliaji wa Chelsea Tammy Abraham, 21, anatarajiwa kukataa ofay a kuchezea timu ya taifa ya Nigeria na badala yake kuelekeza nguvu zote kwa England iwapo ataitwa na kocha Gareth Southgate katika michezo ya kufuzu Euro 2020 dhidi ya Jamhuri ya Czech na Bulgaria. (Telegraph)

Mkurugunzi wa michezo wa Borussia Dortmund amefichua kuwa hadhani kuwa nyota wao kinda Jadon Sancho, 19, akisalia klabuni hapo kwa muda mrefu. Sancho kutoka England alikuwa akihusishwa na Man United katika dirisha la usajili lililopita. (Kicker, via Mail)

Beki wa Manchester United na timu ya taifa ya Ivory Coast Eric Bailly sasa kusalia nje ya uwanja mpaka mwezi Januari. Baily, 25, alipata majeraha ya goti kwenye mchezo wa kujiandaa na msimu dhidi ya Tottenham. (Sun)

Beki wa Tottenham Jan Vertonghen, 32, ambaye makataba wake unaisha mwishoni mwa msimu amesema kuwa anaweza kusaini mkataba mpya na klabu hiyo. (London Evening Standard)

Spurs tayari wameshafungua mazungumzo na Mbelgiji huyo Vertonghen, ili kumuongezea mkataba. (Mail)

Haki miliki ya pichaGETTY IMAGES

Mchezaji wa Juventus anayewindwa na Manchester United Mario Mandzukic, 33, pia anawaniwa na klabu ya ligi kuu nchini Marekani Angeles FC. (Calciomercato - in Italian)

Manchester United wanahusishwa na kutaka kumsajili beki wa Tottenham na timu ya taifa ya Ubelgiji Toby Alderweireld, 30, katika dirisha dogo la usajili la mwezi Januari. (Tuttosport, via Inside Futbol)

Arsenal wanapanga kumfuatilia kinda wa klabu ya RB Salzburg Dominik Szoboszlai, 18, kwenye mchezo dhidi ya Liverpool wiki hii. Arsenal wanatarajiwa kutuma ofay a kumnasa kinda huyo mwezi Januari. (Football Insider)

Juventus na Inter wanaweza wakajikuta wakiminyana vikali kwenye dirisha la usajili mwezi Januari kugombea saini ya kiungo wa Brcelona na Croatia Ivan Rakitic, 31. (Calciomercato, via Caught Offside)

Klabu ya AS Roma inamfuatilia kwa karibu winga wa Wolves raia wa Uhispania Adama Traore, 23. (Calciomercato)

TUMEBORESHA APP YETU, TAFADHALI BOFYA HAPA CHINI KUDOWNLOAD APP YETU MPYA ILI KUENDELEA KUPOKEA HABARI KWA WAKATI NA KUTAZAMA MECHI ZOTE LIVE ( UKISHA BOFYA, BONYEZA NENO OPEN IN PLAY STORE KISHA INSTALL )

BONYEZA HAPA KUDOWNLOAD APP YETU MPYA BURE KABISA

TAARIFA MPYA TAFADHALI TUNAKUOMBA UISOME MUDA HUU

Ndugu msomaji na mtembeleaji wa app yetu, tunaomba radhi kwa wale mlio kuwa hampati Habari kwa wakati ni kutokana na maboresho tuliyokuwa tukifanya hivyo kwasasa tuna kushauri kudownload app yetu MPYA hapa chini ili kuendelea kupata Habari kwa wakati.

TUMEBORESHA APP YETU, TAFADHALI BOFYA HAPA KUDOWNLOAD APP YETU MPYA ILI KUENDELEA KUPOKEA HABARI KWA WAKATI NA KUTAZAMA MECHI ZOTE LIVE ( UKISHA BOFYA, BONYEZA NENO OPEN IN PLAY STORE KISHA 
INSTALL )


AU HAPA CHINI

BAADA YA KUTUA DAR: Hii Ndio Kauli ya Mwinyi Zahera kwa Mashabiki wa Yanga

Bonyeza play hapa chini kutazama zaidi pia tembelea app hii kila Mara kusoma Habari MPYA

Wachezaji wa Nkana Red Devils wachezea kichapo toka kwa mashabiki wao

Wachezaji wa Nkana Fc jana walikumbana na wakati mgumu kutoka kwa mashabiki wao baada ya timu hiyo kuchapwa bao 1-0 na Forest Rangers kwenye mchezo wa ligi kuu ya Zambia

Baada ya mchezo huo kumalizika, mashabiki waliwashambulia wachezaji kwa chupa, mawe huku wengine wakitumia manati kuwalenga kutoka jukwaani

Beki wa zamani wa Yanga, Mtanzania Hassani Kessy alikuwa miongoni mwa wachezaji hao ambao walilazimika kukimbia na kujificha maeneo mbalimbali ya uwanja kunusuru maisha yao

Nkana inashika nafasi ya nane kwenye msimamo wa ligi ya Zambia ikiwa imeshinda mechi mbili huku pia ikifungwa mechi mbili

Mashabiki walipata hasira baada ya timu hiyo kufungwa nyumbani

Mkude hatarini kuadhibiwa Simba

Uongozi wa klabu ya Simba mwanzoni mwa msimu uliweka wazi kuwa hautavumilia utovu wa nidhamu ambao utafanywa na wachezaji wake

Kiungo Jonas Mkude hakusafiri na timu kanda ya ziwa huku ikielezwa kuwa aliondoka kambini bila kutoa taarifa kwa mtu yeyote akiwemo Meneja wa Simba Patrick Rweyemamu

Tukio hilo linaelezwa kumkera Patrick Aussems, kocha wa mabingwa na vinara hao wa ligi kuu

Inaelezwa Mkude ametakiwa kujieleza kwa maandishi sababu zilizopelekea kuondoka kambini

Miongoni mwa adhabu anazoweza kukumbana nazo kama uongozi hautaridhika na sababu zake, ni pamoja na kukatwa mshahara au hata kusimamishwa kwa michezo kadhaa

Yanga yabeba matumaini ya Watanzania, kuibakiza nchi na nafasi zake nne kushiriki michuano ya CAF

Shirikisho la mpira wa miguu barani Afrika (CAF ), kawaida hutoa nafasi nne (4) za ushiriki wa klabu ambazo nchi yake ipo miongoni 12 bora kwa viwango barani Afrika.

Ubora wa kila nchi hupimwa kwa mafanikio ya klabu zake kwenye mashindano ya Ligi ya Mabingwa na Kombe la Shirikisho Afrika.

Tanzania ni ya 12 ikiwa na pointi 18 ilizovuna kutokana na mafanikio ya Yanga na Simba katika kipindi cha miaka 5 iliyopita.

Yanga iliingia mara mbili (2) hatua ya makundi ya Kombe la Shirikisho mwaka 2016 na 2018. Hatua kama hiyo huipatia nchi husika pointi 2.5.

Hivyo pointi 2.5 za 2016 na 2018 kutoka kwa Yanga zikaipatia Tanzania jumla ya pointi 5 na Simba ikaingia robo fainali ya Ligi ya Mabingwa msimu wa mwaka 2018/19.

Wakati hatua kama hiyo ya Simba huipatia nchi husika pointi 15. Hivyo basi Tanzania ilistahili iwe na pointi 20 jumla, yaani 5 za Yanga na 15 za Simba.

Swali la kujiuliza iweje hazipo ?

Kiutaratibu, CAF hupima viwango vyao kwa mafanikio ya ndani ya kipindi cha miaka mitano ( 5 ) iliyopita. Na kila mwaka mmoja unapoongezeka thamani ya pointi za mwaka wa nyuma zaidi hupungua.

Kwa mafanikio ya Simba, 2018/19, hesabu zake za miaka mitano ( 5 ) zilianzia 2015. Hivyo, pointi 5 za Yanga zilipungua thamani mwaka 2019, na kubaki 3 na zilipojumlishwa na zile 15 Simba za 2018/19, ndiyo zikawa 18.

Baada ya Simba, Azam, KMC kutolewa mapema katika mashindano hayo ya Afrika hatma ya Tanzania ipoje ?

Kutokana na utaratibu huo, msimu ujao wa mashindano ya Afrika, 2019/21, Tanzania itabaki na pointi 17 kwa sababu zile 3 za Yanga, zitabaki.

Kwa maana hiyo, hatari ya Tanzania kupoteza nafasi 4 za ushiriki ni kubwa mno, endapo Yanga watashindwa kufika hatua ya Makundi kombe la Shirikisho.

Wawakilishi pekee katika michuano ya Kimataifa, Yanga kama watatinga hatua ya makundi itapatia Tanzania pointi 2.5 ambazo sasa zitaongezwa na zile 17 zitakazobaki na kuwa 19.5.

Na kama Yanga itafanya vizuri zaidi mbali tu ya kutinga hatua ya makundi na badala yake kushika nafasi ya 3 katika ‘group’ lake, basi itapata pointi 5, na Tanzania itakuwa na pointi 22.

Na kama ikifika robo fainali, itaipatia Tanzania pointi 10, zikiongezwa na 17, tutakuwa na pointi 27. Hapo nafasi yetu itakuwa salama salmini.

Makame awaomba radhi mashabiki Yanga

Kiungo wa Yanga, Abdulaziz Makame ameomba radhi mashabiki wa klabu hiyo, baada ya juzi kujifunga katika mchezo wa Ligi ya Mabingwa Afrika dhidi ya Zesco United ya Zambia.

Mchezaji huyo alisema tukio hilo ni baya zaidi kutokea kwake tangu alipoanza kucheza soka.

Akizungumza jana, Makame amewataka mashabiki kusahau bao hilo na kujiandaa vyema kwa mashindano ya Kombe la Shirikisho Afrika.

Makame aliyecheza kwa kiwango bora katika mechi zote mbili za nyumbani na ugenini, alijifunga bao dakika ya 78 katika harakati ya kuokoa kiki ya mpira wa krosi iliyopigwa upande wa kushoto na winga Quadri Aladeokun.

Akizungumzia bao hilo, Makame alisema lengo lake lilikuwa kutoa mpira nje baada ya kuona anakabiliwa na wachezaji wawili wa Zesco nyuma yake.

"Nilikwenda kasi kuzuia mpira baada ya kuona nyuma yangu kuna wachezaji wa Zesco, nikiwa na uhakika wa kutoa nje bahati mbaya nikajifunga,"alisema Makame.

Kiungo huyo aliyejiunga na Yanga akitokea Mafunzo ya Zanzibar, alisema kilichotokea ni sehemu ya mchezo na amewataka wadau wa klabu hiyo kujipanga kwa Kombe la Shirikisho.

Makame alisema Yanga inapaswa kufanya maandalizi ya kutosha kwa kuwa mashindano hayo yanashirikisha timu zenye uzoefu, hivyo wanapaswa kujiandaa kikamilifu.

Kiungo huyo alikuwa nyota wa mchezo wa kwanza kwenye Uwanja wa Taifa, Dar es Salaam waliotoka sare ya bao 1-1.

Baada ya mchezo huo, Kocha wa Zesco, George Lwandamina alisema Makame ni mchezaji wa aina yake na alikuwa kikwazo kwa timu yake kupata ushindi.

Lwandamina alisema tukio la kujifunga linaweza kumpata mchezaji yeyote na sehemu ya mpira.

"Ni tukio la bahati mbaya yule kijana ni hodari sana katika nafasi ya kiungo"

"Jambo hili lingeweza pia kumpata mchezaji wangu. Lakini wenye nafasi ya kumjenga au kumbomoa ni wachezaji wenzake na benchi la ufundi la Yanga kwa namna watakavyopokea tukio lile," alisema Lwandamina.

Mwanaspoti