Muigizaji wa filamu kutoka nchini Marekani, Dwanye Johnson maarufu kwa jina la The Rock, ametangaza rasmi kuwa ameweka kando tofauti zake na rafiki yake Vin Diesel.
The Rock kupitia ukurasa wake wa Instagram, Amewashukuru mashabiki zake ambao walikuwa wanataka bifu hilo limalizike ili waendelee na kazi zao kama ilivyokuwa awali kwenye filamu ya Fast & Furious.
Kwenye video hiyo, The Rock amesikika akisema, “Napenda kutumia nafasi hii kuwashukuru mashabiki wote ambao walikuwa wanataka tuweke pembeni tofauti zetu, kutoka kwa mashabiki jambo hilo limefanikiwa na sasa hakuna tofauti kati yetu, urafiki kama kawaida.
“Nakushukuru Vin Diesel kwa sapoti yako kwa kuifanya filamu ya Hobbs & Show kufanya viizuri sokoni kwa muda mfupi imetengeneza dola milioni $750. Yeye ndiye aliyenifanya niwe maarufu kwenye familia ya Fast & Furious miaka 10 iliyopita ” amesema The Rock.
Kwa upande mwingine, The Rock ametangaza kurudi tena kwenye mieleka (WWE) ambapo amesema bado anajiona mwenye nguvu.
Awali, The Rock alitangaza kustaafu mchezo huo wa mieleka na kuahidi mashabiki wake kuwa atabaki kwenye uigizaji wa filamu tu.
Msanii wa Filamu nchini Steven Mengele, maarufu kama Steve Nyerere amesema kuwa kazi ya kupanda mlima Kilimanjaro si kazi rahisi kwakuwa inamtaka mtu kujipanga na kuwa na afya iliyoimara hii ni baada ya yeye kushindwa kufikia kilele cha mlima huo, kupitia kampeni ya Waziri wa Maliasili na
Akizungumza leo Oktoba 2, 2019 na EATV&EA Radio Digital ,Steve Nyelele amedai kuwa hofu na presha ndio sababu ya yeye kutoendelea na safari hiyo ya kuzikamilisha Mita 5,895 za mlima Kilimanjaro.
''Ilikuwa ni mara yangu ya kwanza kupanda mlima Kilimanjaro ambao kiuhalisia sio Mlimani City ni mlima wa kweli kabisa na mimi ni mtanzania mzalendo hivyo nilitaka nijionee mwenyewe, kiukweli kuna changamoto inabidi mtu ujiandae na nilijitahidi kwa kweli nimeishia Km 11,kuna wakati nilisikia presha, ulimi kutaka kutoka, unasikia pua zinatanuka yaani ni noma'' amesema Steve Nyerere.
Kwa mujibu wa Steve Nyerere, safari ya twenzetu kileleni katika Mlima Kilimanjaro, ilidhamiriwa kukamilishwa na wasanii 25, lakini hadi leo Oktoba 2, 2019 ni wasanii sita pekee waliofanikiwa kukifikia kilele cha mlima huo, akiwemo Ebitoke, Dude na Single Mtambalike.
Msanii wa muziki wa Bongo Fleva, ambaye yuko chini ya lebo kubwa ya muziki hapa Tanzania ya WCB ambayo inasimamiwa na Diamond Platnumz Rayvanny, ameitumia siku ya leo ikiwa ni birthday ya Boss wake Diamond kumuandikia ujumbe mzito ambao umeambatana na maneno ya kumtia moyo.
Rayvanny ameandika hivi: “MUNGU ALIKUCHAGUA UKAWE KIONGOZI , KIONGOZI HANA TOFAUTI NA DEREVA WA GARI . YANI ABIRIA MNAWEZA KULALA USIKU KUCHA, YEYE HALALI KUHAKIKISHA MNAFIKA SALAMA MNAPOENDA. UMEASAIDIA WENGI SAAAANA NA BADO UNAWASAIDIA WENGI SANA LAKINI PIA WAPO WANAOTAMANI MSAADA WAKO PIA. WEWE NI KIONGOZI , KUTUKANWA, KIDHALILISHWA, KUSIMANGWA , KUONEKANA UNA MATATIZO NISEHEMU YAKO YA KAZI MAANA LAWAMA SIKUZOTE NI ZA KIONGOZI ,YANI YULE ANAE KAA MBELE SIKU ZOTE NI WAKULAUMIWA TU. NAOMBA MTANGULIZE MUNGU KATIKA MAWAZO NA KILA ULIFANYALO MAANA BINADAMU SIO WOTE WANAOPENDA MAFANIKIO YAKO……… NAAMINI WENGI WANAKUPENDA HATA WANAOKUTUKANA WANAKUPENDA , HATA AMBAO WATU WANAHISI NI MAADUI ZAKO BADO WANAKUPENDA SANA . MATATIZO UNAYOKUTANA NAYO NAOMBA YASI KUKATISHE TAMAA NA KUKUVUNJA MOYO WA KUSAIDIA WENGINE…….. HAPPY BIRTHDAY BIG @Diamondplatnumz”
Siku moja baada ya msanii Nay wa Mitego ku-post video Instagram akiwaponda wasanii kuwa na mabaunsa wa kuwalinda, msanii wa filamu Duma amepingana na kauli ya Nay wa Mitego baada ya yeye kuonekana na mabaunsa watatu usiku wa uzinduzi wa filamu yake.
Akiieleza EATV & EA Radio Digital,sababu ya kutembea na mabaunsa hao, Duma amesema,
"Mabaunsa hawa wananilinda kwa ajili ya tukio hili kubwa na la kihistoria, nikaona sio mbaya nikaingia na watu wakani 'support' kwa namna moja au nyingine ni kitu kizuri lakini huwezi kujua watu wanaweza wakakuvamia kwa sababu hapa watu ni wengi na wengine wanaweza wasiwe wazuri kwa upande wangu".
Kupitia ukurasa wake wa instagram Nay wa Mitego aliandika, ''sasa hivi kutembea na mabaunsa imekuwa 'fashion' sio kama usalama wa mtu, maana naona hata 'video queen', wadangaji, DJ's na wao wana mabaunsa, pia wasanii wengine hawana sababu ya kutembea na baunsa kwanza hawana hela".
Baada ya kipande hicho cha video kukiachia, kilionekana kupendwa na watu wengi na ndani ya muda mfupi kilikuwa na watazamaji 124,426 , kilipendwa (likes) 36,293, pamoja na maoni ya watu 2,235.
Mchekeshaji maarufu Pierre Liquid amesema kuwa kwa siku anao uwezo wa kunywa bia 38 kwa kuwa ndiyo kinywaji pekee anachokipenda na huwa kinachompa raha.
Hayo ameyabainisha wakati akizungumza na EATV & EA Radio Digital wakati wa sherehe ya kumbukizi ya kuzaliwa kwa mrembo Wema Sepetu, iliyofanyika usiku wa kuamkia Septemba 28 Jijini Dar es Salaam.
''Mimi kama mimi sina ugomvi na mtu, mimi napenda kunywa gambe, nafurahi kama hivi na kwa leo nimekunywa bia 38 na nikimaliza chupa naziweka chini'', amesema Liquid.
Akizungumzia ishu ya kumpenda Wema, Pierre amedai kuwa yeye na Wema wanapendana kwa dhati lakini anavutiwa zaidi na Jackline Wolper na hata kama angeambiwa achague mwanamke kati ya Gigy Money, Vanessa Mdee, Aunty Ezekiel lakini bado angemchagua Wolper.
"Wema ni mshkaji wangu, mpenzi wangu nampenda na yeye ananipenda, katika maisha tunatakiwa tupendane na Mungu anapenda tupendane, Mimi namuombea aishi miaka mingi zaidi hata ifike 120, Wema wangu Mungu amlinde na amtie nguvu", amemalizia Pierre.
Mwanamuziki Rapper wa Kike Kutoka Tanzania amefunguka na kusema kuwa yupo Uganda Kupanua Mziki wake Katika nchi hiyo kwa kuwashirikisha Wanamuziki wakubwa huko wakiwemo Watoto maarufu wacheza Dance wanaitwa Getto Kids..
Ghetto Kids kutoka Uganda wamepata umaarufu Dunia nzima baada ya kushirikishwa na Wanamuziki French Montana na Chriss Brown Katika ngoma zao wakionyesha uwezo mkubwa wa Kucheza ..
Rosa Ree amesema anampango wa kutoa ngoma ya kucheza ambayo ndani yake atacheza yeye pamoja na hao watoto wa Ghetto Kids,.
Amesema kwa sasa wako katika mazoezi ya wimbo huo kwa ajili ya kushoot Video
Muimbaji wa nyimbo za Injili Tanzania, Rose Muhando ameachia wimbo wa kumsifu na kumshukuru Rais wa Kenya, Uhuru Kenyatta na wananchi wake kwa kumsaidia kipindi alipokuwa na matatizo ya afya.
Wimbo huo aliuachia siku ya Jumanne, Septemba 27, ambao unafanya vizuri kwa sasa katika mitandaoni.
"Shukrani zangu kwa taifa viongozi na wananchi wa Kenya kwa kuokoa maisha yangu, mlifungua milango yenu na kunikaribisha kwa mikono yenu miwili. Kwa hakika Kenya ilinionesha neema. Sijui jinsi ambavyo ninaweza kuwalipa kwa upendo wenu kwa kuwa mimi si tajiri lakini naomba Mungu aibariki Kenya", ni sehemu ya maneno yaliyopo katika wimbo huo wa Rose Muhando.
Ikumbukwe tu mwezi Novemba mwaka uliopita, zilisambaa video katika mitandao ya kijamii zikimuonyesha Rose Muhando akifanyiwa maombi ya kutolewa mapepo katika moja ya kanisa Jijini Nairobi kwa kudaiwa kutumia madawa ya kulevya.
Baada ya taarifa hizo shirikisho la muziki Tanzania “Tanzania Music Foundation” liliamuru Rose Muhando kurejeshwa nchini Tanzania kufanyiwa matibabu ambapo baada ya kurejea, kwa mara ya kwanza alionekana katika kanisa la Mlima wa Moto chini ya Mchungaji Bi. Gertrude Rwakatare.
Ni miezi mitatu tu imepita tangu “video vixen” Tunda na msanii wa Bongo Fleva, Whozu waonyeshe mapenzi yao katika mitandao ya kijamii na sasa imeonekana penzi la wawili limeingia dosari baada ya Tunda kuonekana akimuomba msamaha Whozu.
Tunda alipost picha ya keki katika mtandao wa kijamii wa Instagram ambayo iliandikwa “am sorry” kisha kuandikwa ujumbe unaoelezea jinsi anavyojutia kumkosea Whozu.
“Najichukia mimi mwenyewe kwasababu nimemuumiza mtu muaminifu, mzuri, anayenijali ambaye sijawahi kumjua kabla , kama unaweza naomba unisamehe bado nakuhitaji kwenye maisha yangu, nimefanya vitendo vya kitoto najionea aibu kwa tabia yangu naomba unisamehe, penzi lako ni msukumo wangu usiniache. Kwangu ni fahari kuwa na wewe, nakupenda na unisamehe Whozu”, ameandika Tunda.
Baada ya kuandika hivyo Whozu hakujibu chochote na katika mtandao huo wa Instagram inaonyesha kuwa Tunda hajam-follow mtu yeyote.
Muda mfupi baadaye mashabiki walitoa maoni yao kwa kuandika, “mtu akikiri kosa lake anastahili kusamehewa 'be a gentleman' msamehe mwenzio”, ameandika Miss Everthing94
“Mapenzi ya mastaa bwana yapo kwenye mitandao ya kijamii tu“, Julyne Official
EATV & EA Radio Digital tumejaribu kuwatafuta wote wawili ili watolee tamko juu ya kilichotokea kati yao na kinachoendelea kwa sasa lakini hawakuonyesha ushirikiano kwa kutopokea simu.
Mrembo na mfanyabiashara kutokea nchini Uganda, Zari ‘The Boss Lady’, amejinunulia zawadi ya nyumba nchini Afrika Kusini anakoendesha maisha yake kwa sasa katika kumbukizi ya kusheherekea siku yake ya kuzaliwa.
Kupitia ukurasa wake wa Instagram, Zari ambaye ni mama wa watoto watano, wawili akiwa amezaa na mwanamuziki wa Bongo fleva nchini, Nasib Abdul maarufu kama Diamond Platinumz ameandika maneno ya kumshukuru Mungu kwa kuongeza miaka.
Ujumbe huo umepokelewa kwa maoni tofauti katika mitandao ya kijamii, huku wengi wakimpongeza mwanamke huyo na kumtakia maisha marefu na yenye furaha.
Katika ukursa wake huo Zari aliandika, “Asanteni kwa wote ambao mmeniletea zawadi kuelekea “Birthday” yangu, nimejizawadia mwenyewe nyumba mpya, nashukuru kwa baraka za kuona naongeza mwaka mwingine, sina cha kukulipa Mungu. Asante kwa neema zako”.
Miaka 39 iliyopita, tarehe kama ya leo Septemba 23, ndiyo siku mwanamama huyo Zarina Hassan mwenye asili nchini Uganda alizaliwa na jana Septemba 22 aliwaalika ndugu, jamaa na marafiki katika sherehe za awali kwa ajili ya kupata chakula na vinywaji nchini humo.
Amber Lulu amepiga stori na EATV & EA Radio Digital leo, ambapo amefunguka juu ya suala la kupewa sifa ya kuwa msanii wa kike anayependa pombe pamoja na kuringia makalio.
Amber Lulu
Akizungumzia kuhusu sifa ya unywaji wa pombe na ulevi kupitiliza, Amber Lulu amesema kuwa watu wanamzushia masuala yasiyofaa kwani hawakuwahi kumuona sehemu yoyote wala hakuna video inayomuonesha katika hali hiyo.
“Huo ni uongo, watu wengine wanakuaga na chuki tu, kuna muda inatokea huna kazi na upo kwenye 'mood' unahitaji ku-enjoy na mtu anaweza akakuona mara moja akachukulia kama ndiyo maisha yako ya kila siku na hakuna ambaye hanywi”, amesema Amber Lulu.
Aidha Amber Lulu amewajibu wanaomsema kwamba anaringia makalio kutokana na picha anazopost Instagram, akisisitiza kuwa anaringia kila kitu ambacho amejaaliwa na Mungu kama kipaji, nidhamu na uzima wa afya aliopewa.
"Mwili wangu ni wa kawaida kwa sababu ni 'original' huu. Wengine wanatengeneza makalio kwa mchina na wengine wanavaa taiti za maboksi ili waonekane wana makalio makubwa ila kama mtu ana 'original' inajulikana tu", ameongeza
Msanii wa muziki wa Bongo Fleva, Diamond Platnumz ameonesha kuvurugwa na wingi wa makato ya kodi anazotozwa kwenye matamasha yake ya Wasafi Festival na show zake nyingine za ndani.
Diamond akiongea na maafisa TRA mkoani Iringa, Aliwauliza bei ya kubandika bango (Posters) yenye ukubwa wa A4 ni shilingi ngapi?.
TRA walimjibu Diamond kwa kusema kuwa, Viwango vya bei za Posters inategemea na ukubwa wa bango lenyewe na eneo husika kwa kutumia ‘By Law’ zinzotumika eneo hilo.
Diamond aliendelea kuhoji kuhusu bei ya mabango hayo kwa kutoa mfano, Ambapo alisema kuwa mwaka huu walienda kupiga show Kahama mkoani Shinyanga na walipoenda kufuatilia bei za kupandika mabango (Posters) aliambiwa na TRA wilayani humo kuwa kila bango litatozwa Tsh elfu 3 kwa siku.
Amesema yeye alipanga kuweka mabango 3,000 (Posters 3000) kwa siku 14, Ambapo kwa bei hiyo ilimpasa alipe Tsh Milioni 126 kwa kuweka mabango tu mjini Kahama.
Diamond na waandaaji wenzake waligoma kulipa fedha hiyo, Kwani show hiyo ilikuwa na kiingilio cha Tsh elfu 10 jambo ambalo fedha zote zingeishia kwenye mabango.
Maafisa hao wa TRA ambao walikuwa kwenye banda la Maonesho ya utalii mjini Iringa, Walimjibu kuwa hicho kitu hakiwezekani ni bei kubwa sana, Na kisha maafisa hao walichukua maelezo kutoka kwa Diamond wakimtaka ataje mkoa aliofanyiwa hivyo ili kufikisha malalamiko yake kwa wahusika.
Diamond aliendelea kuhoji kwa kuuliza, “Kwa mfano sisi kama Wasafi Limited kila mwisho wa mwaka tunalipa kodi zetu sawia kabisa. Na miongoni mwa shughuli nyingine tunazozifanya ni pamoja na kuandaa show za Wasafi Festival. Je, unatakiwa ulipe kodi ya mwisho wa mwaka au nilipe pale pale 18% ninapomaliza show ambayo tumeandaa sisi wenyewe.?”
TRA wamemwambia kuwa kama tamasha limeandaliwa na Wasafi Limited, Hawezi kukatwa 18% palepale baada ya show kumalizika na badala yake, Kinachotakiwa ni yeye kutunza nyaraka zote za malipo na gharama zote zilizotumika na kodi atakatwa mwishoni wa mwaka kama kampuni nyingine zinavyokatwa.
TRA wamesema kodi ambazo angeliweza kutozwa ni zile ambazo labda show yake imedhaminiwa na kampuni nyingine hapo angeweza kukatwa kodi ya zuio.
Diamond amesema kuwa kuna baadhi ya Mikoa TRA walikuwa wanamkata asilimia 18 pale pale baada ya show halafu tena mwisho wa mwaka wanamkata tena kodi nyingine. Ile hali show zote zimeandaliwa na Wasafi Limited.
Kwa mujibu wa maelezo yao, Mfano wa mikoa ambayo show zilizoandaliwa na Wasafi Limited na zilikatwa asilimia 18 pale pale ni Geita.
Leo September 23, 2019 Tumemtembelea Mbunge wa Mbeya Mjini Joseph Mbilinyi maarufu Sugu ambae ametuonyesha ‘Ukuta wa Heshima’ alioutengeneza katika Hotel yake ya Desderia iliyopo Mbeya.
Kundi la Rostam linaloundwa na Roma & Stamina, wamepiga stori na kipindi cha "Friday Night Live" ya East Africa Television na kufunguka kuwa Billnass anapenda sana mapenzi.
Rostam wamefunguka hayo baada ya kusambaa kwa video katika mtandao wa kijamii wa Instagram ikiwaonyesha wakimzungumzia Billnass kuendekeza mapenzi.
"Ni mdogo wangu ila ni ukweli kabisa, unajua hata sasa hivi waandaji wa show hawampigii simu Nenga 'Billnass' kumtaka kwenye show, huwa wanampigia Nandy na wanajua kabisa Billnass atamfuata nyuma kama sanamu" ameleeza Roma.
Billnass na Nandy wamekuwa wanatajwa sana siku za hivi karibuni kuwa wamerudiana japokuwa wenyewe wamekuwa wakikanusha kwenye baadhi ya mahojiano wanayofanya kwenye vyombo mbalimbali vya habari.
Aidha Roma na Stamina "Rostam" wameachia wimbo wao Audio na Video unaoitwa Kijewe Nongwa waliomshirikisha Nay Wa Mitego.
Waziri wa Habari, Utamaduni, Sanaa na Michezo, Mhe. Dkt. Harrison Mwakyembe amemuomba msanii wa Bongo Fleva, Diamond Platnumz kubadilisha ratiba ya Wasafi Festival mkoani Iringa ili ahudhurie kwenye tamasha la kizalendo la JAMAFEST.
Akiongea na Waandishi wa Habari jana Septemba 19, 2019, Waziri Mwakyembe amesema kuwa tamasha la JAMAFEST (Jumuiya ya Afrika Mashariki Utamaduni Festival) mwaka litafanyika katika Uwanja wa Taifa na litadumu kwa siku 8 na litahudhuriwa na wasanii wa ndani na nje ya Tanzania.
Akisisitizia uwepo wa Diamond, Waziri Mwakyembe amesema kuwa “Nimempigia simu kijana wetu nyota wa muziki barani Afrika na pia ulimwenguni ukipenda, Diamond kwamba sasa huu ndio muda wa kuonesha utaifa, hebu njoo ujiunge na sisi. Na atakuwa na ziara siku hiyo mkoani Iringa, Nimemwambia avunje ziara hiyo kwa utaifa, Nafikiri atafanya hivyo. Kwa sababu tulipokuwa Uganda wasanii wote wakubwa nchini humo walihudhuria kwenye tamasha“.
Kwa upande mwingine, Mwakyembe amewaomba Watanzania wahudhurie kwa wingi kwenye tamasha hilo, Wakiwemo wasanii wa Bongo Fleva ili kuonesha uwezo wao.
Tamasha la JAMAFEST litafanyika kwa mara ya kwanza nchini Tanzania na linatarajiwa kuanza Wikiendi hii Septemba 22 hadi 28, 2019 katika Uwanja wa Taifa.
Mwanamuziki wa kundi la WCB, Mbosso Khan amesema ndugu wa mzazi mwenzie, Boss Martha walianza kumpinga siku nyingi, hashangazwi na kuendelea na msimamo huo baada ya kifo cha msanii huyo wa vichekesho.
“Nimeshiriki mazishi (ya Martha) familia yake isingeweza kunizuia kwa sababu inafahamu nini kinaendelea kati yangu na yeye. Kitendo cha kunikana si kipya na nilitarajia watafanya hivyo kwa sababu walishanikana siku nyingi,” amesema Mbosso leo Jumamosi Septemba 14, 2019 wakati akizungumza na Mwananchi.
Boss, Martha, msanii wa vichekesho wa kundi la Cheka Tu alifariki dunia Alhamisi Septemba 12, 2019 na kuzikwa jana Ijumaa jijini Dar es Salaam.
Amesema licha ya kumpinga tangu Martha akiwa hai, imani yake ni kuona siku moja familia ya mzazi mwenzie huyo ikiketi naye kujadili kuhusu mtoto aliyezaa na msanii huyo.
Amesema lengo lake si kumdai mtoto bali kueleza siri yake na Martha kuhusu kutoweka wazi suala la mahusiano yao, mtoto.
“Chochote nitakachofanya sasa nitaonekana ninafanya fujo, ndio maana nimeacha ili Martha niliyekuwa ninampenda sana apumzike kwa amani.”
“Hakuna mzazi anayemchukia mwanaye, ninajua ipo siku familia ya Martha itanipa mtoto wangu Ibrahim ambaye wao wanamuita Joseph,” amesema Mbosso.
Ameongeza, “Nilikuwa naletewa mara kwenye gari, siku nyingine nyumbani kwa Martha na wakati mwingine kwa rafiki zake. Anajua kuwa mimi ni baba yake nina imani siku moja tutakuwa pamoja akiniita baba na mimi nikimuita mwanangu.”
Staa wa mitandao ya kijamii na mjasiriamali nchini Kenya Huddah Monroe'Huddah The Bosschik' amewashutumu viongozi na mastaa kwa kugeuza siasa kuwa sarakasi nchini humo.
Ameeleza hayo baada ya viongozi na baadhi ya mastaa kugombania nafasi ya ubunge katika kaunti ya Kibra iliyoachwa na Ken Okoth ambaye amefariki dunia.
Kupitia mtandao wa kijamii wa Instagram, Huddah Monroe ameandika “watu wamefanya mzaha, utani, chale, sarakasi na vichekesho katika kiti cha ubunge kaunti ya Kibra, mnahitaji kumpa kura zenu Octopizzo ambaye amezaliwa na amekuwa hapo anajua matatizo yanayoyakuta jamii”.
Kuhusu viongozi na mastaa wanaoitaka nafasi hiyo Hudda ameseama, "kuna bangi inasambazwa jijini Nairobi, hakuna atakayesema wanachotaka kufanya na dunia nzima inajua kibra ndipo kuna makazi duni ya watu ila wanafikiria kuja na kuaondoka muda wowote"
Pia amesema anachukia siasa kwa sababu viongozi wanawaachia watu ujinga na kwamba anatamani awahamasishe vijana kwa yeyote atakayeleta siasa wampige mawe.
Mastaa ambao wanagombania kaunti hiyo ni wasanii wa Hip Hop, Prezzo na Octopizzo pamoja na mchezaji wa zamani wa taifa hilo na klabu ya Inter Milan aitwaye McDonald Mariga.
Kifo cha mrembo Martha aliyekuwa akijishughulisha na shuguli za Uchekeshaji, MCna hata kuigiza kimeshutua baadhi ya watu wakiwemo mastaa mtandaoni waliokuwa wakimfahamu kutokana na kuwa kifo chake kuwa cha gafla baada ya kuugua kwa muda mfupi.
Inaelezwa Martha alikuwa akiugua uti wa mgongo uliopelekea kupata ugonjwa wa maleria kali na awali alilazwa katika hospitali iliyopo Sinza Palestina na kisha kuhamishwa kupelekwa katika hospital nyingine ambapo ndipo umauti ukamkuta.
Enzi za uhai wa Martha alishawahi kufanya kazi nyingi ikiwemo kuwa moja ya wachekeshaji waliokuwa wakifanya Standup comedy ya ‘Cheka tu’ inayofanyikaga kila ijumaa ya mwisho wa mwezi, pia alishawahi kushiriki kwenye baadhi ya kazi za wasanii wa bongofleva kama kwenye video ya Whozu ya ‘Roboti’
Baadhi ya watu maarufu wameonesha kuguswa na kifo hicho na kupost haya kupitia kurasa zao za Instagram..
Msanii wa muziki wa Bongo Fleva, Harmonize na mchumba wake Sarah kwa siku ya jana na leo wameendelea kugonga vichwa vya habari hapa Tanzania kwa tukio lao la kufunga ndoa.
Swali ni kwamba ni kweli wawili hao wamefunga ndoa? Au kuna kitu kingine kinaendelea.
Kwa mujibu wa marafiki wa karibu wa Harmonize wanaopenda zaidi kuweka vitu kwenye mitandao ya kijami, Wamesema kuwa wawili hao jana usiku wamefunga ndoa na ilihudhuriwa na watu wake wa karibu tu ambao anafanya nao kazi kwa sasa.
Bongo5 imemtafuta harmonize kuthibitisha taarifa hizo, Lakini namba yake haijapatikana licha ya video nyingi kusambaa mitandaoni zikionesha tukio la inayoonekana kama sherehe za harusi hiyo.
Hata hivyo, Mmoja ya watu wake wa uongozi wake kwasasa, Ambaye amekataa kutajwa jina, Amesema tukio hilo sio harusi kama inavyodhaniwa bali alikuwa location kwa ajili ya ku-shoot video yake mpya ijayo.
Wimbo huo bado haijajulikana lakini huenda ukawa ni ule wa ‘TUWAKOMESHE’ aliomshirikisha Lady Jaydee, Japokuwa bado kuna ukakasi kwani hata Lady Jaydee mwenyewe amempongeza harmonize kwa kufunga ndoa na hakuwepo kwenye tukio.
Mwananmitindo maarufu hapa Tanzania, Mustafa Hassanali alikuwa ndio mtu wa kwanza kuposti video ya tukio hilo kwenye ukurasa wake wa Twitter na kuandika, “Hongera sana Sarah kupata Dume. Mungu abarike Ndoa ya Sarah na Rajabu ameen.“.
Kingine, ni kweli Harmonize amefunga ndoa bila hata kuhudhuriwa na msanii yeyote kutoka WCB? Ni swali ambalo linakuwa gumu kulijibu.
Kwa upande mwinginbe, Sarah naye pia ameweka video na picha za tukio hilo kwenye Insta Story na hajaziwekea maneno yoyote yale.
Katika ukursa wake huo Zari aliandika, “Asanteni kwa wote ambao mmeniletea zawadi kuelekea “Birthday” yangu, nimejizawadia mwenyewe nyumba mpya, nashukuru kwa baraka za kuona naongeza mwaka mwingine, sina cha kukulipa Mungu. Asante kwa neema zako”.
