Simba kusaka mbadala wa Zana

Licha ya kuwasilisha majina ya wachezaji 25 kwa ajili ya michuano ya ligi ya mabingwa barani Afrika, uongozi wa Simba umesema bado haujakamilisha usajili wa mchezaji mmoja

Dirisha la usajili wa CAF bila ya faini lilifungwa jana, hivyo Simba italazimika kulipa faini ili kuandikisha mchezaji mwingine

Mjumbe wa Bodi ya Wakurugenzi ya Simba Mulamu N'gambi amesema wameamua wasifanye pupa katika usajili wa nafasi hiyo ili kuhakikisha wanapata mchezaji sahihi

N'gambi amesema Simba italipa faini kulingana na utaratibu uliowekwa na CAF lakini muhimu ni kupata mchezaji sahihi ambaye pia ataitumikia timu hiyo kwenye ligi

Baada ya kuachana na Zana Coulibaly, inaelezwa Simba inasaka beki mahiri wa kulia ambaye atasaidiana na Shomari Kapombe