Mdhamini Mkuu wa Ligi Kuu Soka Tanzania Bara (TPL) mbioni kutangazwa

Baada ya msimu uliopita wa Ligi Kuu Soka Tanzania Bara (TPL) kuchezwa bila mdhamini hali ambayo ilipelekea vilabu kupitia changamoto ya ukata, hatimaye Bodi ya Ligi imesema wapo mbioni kutangaza mdhamini.

Mwenyekiti wa Bodi ya Ligi, Stephen Mguto amesema TFF na Bodi ya Ligi wapo kwenye mchakato wa mwisho na wadhamini wawili waliojitokeza ambapo mmoja atakuwa mdhamini mkuu na mwingine mdhamini mwenza.
.
"Walioleta ofa wako wawili, mmoja atatambulika kama mdhamini mkuu na mwingine mdhamini mwenza. Watu wanasema baada ya dhidi ni faraja, tutegemee tutakuwa na faraja ligi ya msimu huu," alissema.

Utakumbuka msimu uliomalizika wa 2018/19 wa Ligi Kuu Soka Tanzania Bara (TPL) Simba SC walifanikiwa kutetea ubingwa wao.