BONGO MOVIE: Mama Mwali Part 1 (Madebe Lidai, Koreta Mkemangwa)

Bonyeza play hapa chini kutazama zaidi pia tembelea app hii kila Mara kusoma habari zote mpya.

VIDEO: MAGOLI YOTE SIMBA VS MBAO LEO 3-0

Bonyeza play hapa chini kutazama zaidi pia tembelea app hii kila Mara kusoma habari zote mpya.

KURASA, MARCH 31,2019

Bonyeza play hapa chini kutazama zaidi pia tembelea app hii kila Mara kusoma habari zote mpya.

Ommy DIMPOZ: Viuno vyake kama feni BOVU / VIBE imemuingia / WCW

Bonyeza play hapa chini kutazama zaidi pia tembelea app hii kila Mara kusoma habari zote mpya.

TETESI ZA USAJILI BARANI ULAYA LEO JUMAPILI

Haki miliki ya pichaGETTY IMAGES

Image captionParis St-Germain wasema watatimiza kiwango cha kumnunua mlinda lango David de Gea

Mwenyekiti wa Tottenham Daniel Levy angetaka £130m kutoka Real Madrid kwa ajili ya mchezaji wa safu ya kati wa Denmark Christian Eriksen, mwenye umri wa miaka 27. (Sunday Mirror)

Wakala wa mchezaji wa kiungo cha kati wa Manchester United Paul Pogba , Mino Raiola, amezungumzo mara mbili kwa simu na Real juu ya kuhamia kwa mchezaji huo mwenye umri wa miaka 26 Uhispania . (Marca, via Manchester Evening News)

Meneja wa Real Madrid Zinedine Zidane amemuambia Pogba kuwa namtaka katika Bernabeu na akasisitiza kuwa hajui ni kwanini mchezaji huyo wa timu ya taifa ya Ufaransa asingependa kuhamia Katika timu hiyo. (Sunday Mirror)

Haki miliki ya pichaGETTY IMAGES

Image captionWakala wa Pogba wamezungumza na Real Madrid mara mbili kwa simu

Paris St-Germain watatimiza kiwango cha David de Gea cha kumnunua kwa £350,000 katika kipindi cha wiki moja na mlinda lango huyo wa Uhispania mwenye umri wa miaka 28 ataelekea Manchester United kama watashindwa kumlipa kiwango hicho. (Sun on Sunday)

Real Madrid bado wanatathimini iliwa watajiunga na PSG kujaribu kusaini mkataba na in De Gea, huku klabu ya Italia ya Juventus pia ikitathmini hilo . (Sunday Express)

Chelsea hawana mpango wa kufanya mazungumzo na winga Callum Hudson-Odoihadi msimu ujao, wakati mchezaji huyo wa kimataifa wa Uingerexza mwenye umri wa miaka 18 atakapokuwa amebakiza mwaka mmoja wa mkataba wake. (Mail on Sunday)

Haki miliki ya pichaGETTY IMAGES

Image captionAtletico Madrid na Barcelona wanamtaka mchezaji wa Leicester City -Ben Chilwell

Meneja wa Blues Maurizio Sarri ni chaguo la kwanza la Romakuwa meneja wao msimu ujao. Meneja wa zamani wa Chelsea na Leicester Claudio Ranieri ndiye anayeongoza upande wa timu za kundi A zilizofuzu katika Uefa championi, kwa kuteuliwa kuendelea kuiongoza timu hiyo hadi mwishoni mwa msimu huu kufuatia kufutwa kazi kwa Eusebio di Francesco. (Sunday Express)

Atletico Madrid na Barcelona wanamtaka mchezaji wa safu ya kushoto nyuma wa timu ya England Leicester City -Ben Chilwell, mwenye umri wa miaka 22, kwa £50m. (Sun on Sunday)

Manchester United watatia zaidi mkazo juu ya sera yao ya kuhama inayowahusu wachezaji wenye umri mdogo , huku mchezaji wa safu ya kati wa timu ya Crystal Palace ya England ya wenye chini ya umri wa miaka -21 anayecheza safu ya kulia nyuma Aaron Wan-Bissaka,mwenye umri wa miaka 21, akiwa mmoja wa walengwa . (Mail on Sunday)

Inter Milan wamekubali kuongeza mara dufu mshahara wa Milan Skriniar, mwenye umri wa miaka 24, ili kumzuwia mlinzi huyo wa Slovakia kuhamia katika moja ya wenyeji wa klabu za Ligi ya Primia, wakiwemo Manchester United, Liverpool, Chelsea na Manchester City. (Sunday Mirror)

Leicester wanakamilisha mkataba wa £40m kwa ajili ya deni la mchezaji wa kiungo cha kati wa Monaco Youri Tielemans, huku kukiwa na fununu kwamba Tottenham na Manchester United wanataka kumchuku kijana huyo wa Ubelgiji mwenye umri wa miaka 21. (Sun on Sunday)

Haki miliki ya pichaGETTY IMAGES

Image captionInter Milan wamekubali kuongeza mara dufu mshahara wa Milan Skriniar ili kumzuwia kuhamia timu za ligi ya Primia

Mchezaji wa safu ya kati wa timu ya England ya West Ham Declan Rice, mwenye umri wa miaka 20, amepuuza madai ya kwamba anataka kuhama kwenye hiyomsimu huu, baada ya kuhusishwa na Manchester City. (BT Sport, via Manchester Evening News)

Mshambuliaji wa Scotland anayeichezea West Brom kwa deni Oliver Burke, mwenye umri wa miaka 21, anasema atafurahia sana iwapo atapata fursa ya kubakia Celtic. (Daily Record)

Meneja wa Real Madrid Zinedine Zidane anasisitiza kuwa mlinzi Raphael Varane, mwenye umri wa miaka 25, ni mwenye furaha katik aklabu hiyo , licha ya tetesi kwamba mfaransa huyo anataka kuhamia United. (Manchester Evening News)

Mchezaji wa Liverpool Muhispani Pedro Chirivella mwenye umri wa miaka 21 ambaye anachezea timu ya Extremadura kwa deni hadi mwisho wa msimu ambaye hawezi kucheza baada ya kushindwa kutoa tarehe ya mwisho , anataka kurejea Uhispania Muhula ujao . (Liverpool Echo)

Mlinzi wa Ajax Mholanzi Matthijs de Ligt anasema anaweza kusaini mkataba na Juventus, huku Liverpool na Arsenal wakionyesha nia ya kumtaka. (Talksport)

Barcelona wako tayari kumsikiliza Mkroasia Ivan Rakitic mwenye umri wa miaka 31 anayechezea safu ya kati juu ya juu ya pendekezo lake la malipo ya £40m , wakati Manchester United nao wakimsaka . (Mundo Deportivo)

Meneja wa Wolves Nuno Espirito Santo amepuuzilia mbali taarifa zozote zinazosema kuwa anaweza kuhamia Chelsea. (Metro)

LIVE: TAZAMA TAARIFA YA HABARI YA ITV LEO JUMAPILI

Bonyeza play hapa chini kutazama zaidi pia tembelea app hii kila Mara kusoma habari zote mpya.

SIMBA YAIRARUA MBAO 3-0

Mabingwa watetezi ligi kuu ya Tanzania Bara Simba ni kama hawakamatiki baada ya leo kushinda mchezo wa 10 mfululizo kwa kuifumua Mbao Fc mabao 3-0 katika mchezo uliopigwa uwanja wa Jamhuri mkoani Morogoro

Mabao mawili ya nahodha John Bocco na moja la Meddie Kagere yametosha kuihakikishia Simba ushindi muhimu ambao umewasogeza karibu ya Azam Fc inayoshika nafasi ya pili baada ya kufikisha alama 57
Azam Fc ina alama 59 hata hivyo Simba ina michezo sita mkononi hivyo ni suala la muda tu mnyama atakaa katika nafasi yake na hatimaye kutetea ubingwa waliotwaa msimu uliopita
Mabao mawili aliyofunga Bocco leo yamemfanya afikishe mabao 11 akihitaji kufunga bao moja tu kumfikia Heritier Makambo wa Yanga

Kagere amezidi kumkaribia Salim Aiyee wa Mwadui Fc mwenye mabao 16, baada ya bao lake la mkwaju wa penati alilofunga leo kumfanya afikishe mabao 14
Baada ya ushindi wa leo kikosi cha Simba kitaendelea na maandalizi ya mchezo wa robo fainali ligi ya mabingwa dhidi ya TP Mazembe
Simba itaendelea kujifua mkoani Morogoro kujiandaa na mchezo huo utakaopigwa April 06 katika dimba la Taifa

ITAZAME MECHI YA LIVERPOOL VS TOTTENHAM LIVE HAPA

BONYEZA HAPA KUTAZAMA MECHI HII LIVE
Kumbuka kubonyeza X kama unavyoona hapa chini kwenye picha ili kutazama mechi hii vizuri.

Mtanzania ateuliwa na kiongozi mkuu wa kanisa katoliki duniani, Papa Francis kuwa balozi wake nchini New Zealand

Kiongozi wa Kanisa Katoliki duniani, Papa Francis amemteua Askofu Novatus Rugambwa mzaliwa wa Parokia ya Ishwandimi, Bukoba vijijini, Jimbo katoliki la Bukoba kuwa balozi wa Papa nchini New Zealand.

Askofu Novatus Rugambwa

Awali Askofu Novatus Rugambwa alikuwa balozi wa Papa Francis nchini Honduras.

Askofu Rugambwa ni moja ya Watanzania wakatoliki ambao wamewahi kupata cheo kikubwa cha uongozi katika kanisa katoliki, Baada ya Kardinali Laurean Rugambwa, Kardinali Pengo, na Askofu Protace Rugambwa mkuu wa uinjilishaji ulimwenguni na mshauri wa Papa huko Vatican.

Chanzo: https://www.dailynews.co.tz/news/2019-03-315ca04b2d205bf.aspx

BONGO MOVIE: LOST IN THE CITY - PART 1

Bonyeza play hapa chini kutazama zaidi pia tembelea app hii kila Mara kusoma habari zote mpya.

BILIONEA WA MAZEMBE AMPOTEZA MO

Mohammed Dewji ‘Mo’.

APRILI 6, mwaka huu Simba itakuwa kibaruani katika Ligi ya Mabingwa kwa kucheza na TP Mazembe. Mechi hiyo ni ile ya Ligi ya Mabingwa Afrika Hatua ya Robo Fainali. Mechi hiyo inatajwa kuwa kali kutokana na upinzani wa klabu hizo mbili ambapo hii mara ya kwanza kukutana kwao tangu mwaka 2011.

Nje ya mechi hii itakayopigwa Uwanja wa Taifa jijini Dar, kuna vita kubwa ya mabilionea wawili, Mohammed Dewji ‘Mo’ wa Simba na Moise Katumbi wa Mazembe. Mabilionea hawa kila mmoja amefanya mambo katika kikosi chake kwa ajili ya kukijenga. Cheki mambo ambayo wameyafanya.

MATAJI Akiwa ndani ya Simba tangu mwaka 1999, Mo amefanikiwa kuifanya timu hiyo itwae mataji ya Ligi Kuu Bara, Kombe la Hedex na Tusker sambamba na ubingwa wa Shirikisho (FA).

Moise Katumbi wa Mazembe

Bilionea huyo pia ana rekodi ya kipekee kwa kuchangia Simba itinge hatua ya makundi ya Mabingwa Afrika kwa kumng’oa Zamalek ugenini, mwaka 2003. Mo alijiweka pembeni kabla ya kurudi hivi karibuni kuidhamini timu hiyo. Katumbi tangu mwaka 1995 ndiye mdhamini wa klabu hiyo yenye nguvu nchini DR Congo.

Chini yake TP Mazembe imetwaa kila taji ambalo wameshiriki na kugombania. Wamechukua ubingwa wa ligi zaidi ya mara 10, Ubingwa wa Kombe la Congo mara tatu, Ligi ya Mabingwa mara tatu 2009, 2010 na 2015.

Pia ubingwa wa Kombe la Shirikisho mara mbili na Super Cup mara tatu, pia Mazembe wana rekodi ya kuwa klabu pekee ya Afrika ambayo imecheza fainali ya Kombe la Dunia kwa Klabu na walifungwa na Inter Milan ya Italia mwaka 2010. Katumbi akiwa Mazembe ameifanya klabu hiyo ichukue mataji 22 tofauti.

USAJILI Usajili mkubwa alioufanya Mo akiwa ndani ya Simba ni ule wa bilioni 1.3 misimu miwili nyuma, jambo ambalo liliwashangaza wengi. Katika bilioni hizo 1.3 mastaa Emmanuel Okwi, John Bocco, Haruna Niyonzima, Aishi Manula na Shomari Kapombe waliwasili kabla ya msimu huu kumwaga milioni 600 na kuwanasa Claytous Chama, Meddie Kagere, Paschal Wawa, Hassan Dilunga, Adam Salamba na Deo Munishi ‘Dida’ na wengine wengi.

Wakati Simba wakitambia usajili huo wa bilioni 1.3 kwa Mazembe fedha yao ya usajili ni kubwa zaidi ya hiyo waliokuwa mastaa wao kama Rainford Kalaba, Given Singuluma, Stoppila Sunzu walichukua fedha nyingi sana.

Sasa wamebaki Wazambia kadhaa wakiongozwa na Nathan Sinkala lakini fowadi tegemeo ni Mkongo Tresor Mputu aliyerudi hivi karibuni akitokea Angola.

Ni miongoni mwa sajili za Mazembe zilichota fedha nyingi. Kwa msimu huu Mazembe wenyewe wamefanya usajili wa bilioni 4.9 ikiwa ni mara mbili ya usajili wa Simba.

BENCHI LA UFUNDI Hapa Simba wameachwa mbali katika suala zima la ulipwaji wa benchi lao la ufundi pamoja na muundo wake. Mazembe wana benchi refu lenye wataaluma wengi zaidi wa ndani na nje ya Afrika. Aliyekuwa Kocha wa Mazembe, Hubert Velud alikuwa anakunja zaidi ya milioni 35 kabla ya kuondolewa.

Kocha wa sasa wa klabu hiyo ni Mihayo Kazembe. Kocha wa Simba, Patrick Aussems yeye anapokea Tsh 22.7mil kwa mwezi.

UDHAMINI Mo ameweka udhamini wa kinywaji chake cha Mo Energy kwenye jezi ya Simba kwa kuingia mkataba wa udhamini wa jezi kwa mwaka mmoja wenye thamani ya Sh 250 milioni akiungana na mdhamini mkuu, SportPesa. Mazembe wenyewe wanadhaminiwa na Kampuni ya MCK ambayo inayojihusisha na masuala ya Uchimbaji wa Madini na Uinjinia ambayo pia ipo chini ya Katumbi.

Pia Mazembe ni kampuni ambayo ina wanashea mbalimbali wenye mchango chini ya mwenyekiti ambaye ni Katumbi.   BAJETI Bajeti ya Simba kwa sasa inapaa kutokana na wingi wa mastaa ambao wanavuta mkwanja mrefu klabuni hapo.

Chini ya Mo bajeti ya Simba kwa sasa ni bilioni 2 lakini mwenyewe anataka ipae hadi iguse bilioni 5 ambapo wataweza kushindana na timu kubwa Afrika.

Katumbi alivyoanza kuwekeza Mazembe alianza na bajeti ya Sh.Bil 8.1 badae akaongeza ikafikia Sh. Bil 11.6. Hapo ndipo alipokuwa akinunua mastaa kama kina Mbwana Samatta, Stopila Sunzu na wengine kibao wa Afrika ambao walifanya timu hiyo kuogopwa zaidi. Kuanzia mwaka 2017, bajeti ya Mazembe ni Sh. Bil 23.2 ambayo inaelezewa kuwa kubwa zaidi katika ukanda wa Afrika Mashariki na Kati.

Hiyo ndiyo jeuri inayowafanya wawe na nguvu ya kuajiri mtu yoyote na kujiendesha kisayansi. Ripoti za hivi karibuni zinasema kwamba Katumbi baada ya kufanya tathmini ya kina ameamua kupunguza mastaa wengi wa nje na kuwekeza kwa wachezaji wengi wa ndani kwa masilahi ya Taifa.

“Hatujapunguza bajeti yetu, tulichofanya ni kuwekeza kwa wachezaji wa ndani wazuri ambao kwenye miaka ya hivi karibuni wamekuwa wakifanya vizuri kuliko hata wageni, kwa kufanya hivyo tutaisaidia pia timu ya taifa na kukuza akademi ya Katumbi,” ilisema taarifa ya Mazembe ikikanusha habari zilizokuwa zimeenea kwenye mitandao kwamba wamepunguza matumizi.

Katika kikosi cha Mazembe bado wapo kina Jean Kimwaki, Joel Kasusula, Tresor Mputu, Miche Mika, Chico Ushindi, Nathan Shinkala na Rainford Kalaba.

Maamuzi ya Baraza la Madiwani, baada ya raia kupoteza maisha mgogoro wa ardhi Monduli

Mtu mmoja amefariki dunia na wengine watano kujeruhiwa baada ya kutokea mapigano baina ya wananchi wa vijiji vya Lendikinya na Emairete wakigombea ardhi kati ya msitu wa hifadhi ya Lendikinya na vijiji hivyo vilivypo  katika kata ya Sepeko na Monduli juu, wilayani Monduli mkoani Arusha.

Kufuatia hali hii Baraza la madiwani wa halmashauri ya wilaya ya Monduli mkoani Arusha limeazimia kusitisha shughuli zote za kilimo zilizokuwa zikifanyika katika vijijiji vitatu vya Lendikinya, Emairete, na Arkalia kutokana na mgogoro huo na kumuagiza mkurugenzi wa halmashauri hiyo kuwaandikia barua wananchi wote wanaojihusisha na shughuli za kilimo kufika ofisini kwake.

Machi 28 majira ya saa kumi na moja jioni kulitokea mapigano katika mpaka wa vijiji hivyo na kusababisha watu sita kujeruhiwa vibaya kwa kukatwa mapanga, kuchomwa mishale na kupigwa mawe,na kulazwa katika hospitali ya wilaya Monduli ambapo wawili kati yao wakiwa na hali mbaya na kuhamishiwa hospitali ya Mkoa ya Mountmeru ambapo mmoja alipoteza maisha.

ACTION MOVIE: TIGER - ( IMETAFSIRIWA)

Bonyeza play hapa chini kutazama zaidi pia tembelea app hii kila Mara kusoma habari zote mpya.

Msajili wa vyama apigilia msumari nia ‘kuifuta’ ACT- Wazalendo

Ofisi ya Msajili wa Vyama vya Siasa imepigilia msumari nia yake ya kukichukulia hatua za kisheria Chama cha ACT-Wazalendo ikiwa zimebaki siku nane tangu kipewe siku 14 kuwasilisha maelezo ya kwa nini kisifutiwe uanachama wa kudumu.

Akizungumza na Mwananchi, msajili msaidizi wa Vyama vya Siasa, Sisty Nyahoza alisema endapo chama chochote kitakiuka sheria, hawatasita kutoa adhabu huku akibainisha kuwa wamekuwa wakivionya na kutoa adhabu mara kadhaa kwa vyama mbalimbali na siyo ACT pekee.

Machi 25, ofisi hiyo ilieleza nia yake ya kutaka kukifutia usajili chama hicho na kukipa siku 14 kuanzia Machi 26 kuwasilisha maelezo ya kwa nini kisifutwe uanachama wa kudumu.

Hatua hiyo ilikuja ikiwa imepita wiki moja tangu aliyekuwa katibu mkuu wa CUF, Maalim Seif Sharif Hamad kujiunga na ACT akiwa pamoja na waliokuwa viongozi waandamizi wa chama hicho na wanachama wa kawaida.

Barua hiyo ilieleza kuwa kwa mujibu wa kifungu cha 19 cha Sheria ya Vyama vya Siasa, msajili wa vyama anapotaka kufuta usajili wa chama cha siasa anapaswa kutoa taarifa ya maandishi kwa chama hicho.

Imeyataja mambo yanayodaiwa kukiukwa na chama hicho kuwa ni vitendo vya uvunjifu wa sheria vya kuchoma moto bendera za CUF baada ya Mahakama Kuu kutoa hukumu katika kesi namba 23 ya 2016.

Mahakama ilimtambua Profesa Ibrahim Lipumba kuwa mwenyekiti halali wa CUF.

Pia, chama hicho kinatuhumiwa kutumia udini baada ya mashabiki wake kuonekana mitandaoni wakipandisha bendera ya ACT Wazalendo kwa kutumia tamko takatifu la dini ya Kiislamu (Takbir), kitendo kinachodaiwa kukiuka kifungu cha 9 (1)(C) cha sheria hiyo.

Mbali na hatua hizo, ofisi ya msajili imesema chama hicho kilichopata usajili wa kudumu Mei 5, 2014 kinakabiliwa na adhabu nyingine ya kutowasilisha hesabu za ukaguzi za 2013/2014.

Katika mahojiano maalumu, Nyahoza alilieleza Mwananchi wiki hii kuwa si mara ya kwanza vyama vya siasa ikiwamo ACT kukutana na barua za kujieleza kutokana na ukiukwaji wa sheria.

Alisema Novemba 2016, ofisi hiyo ilitangaza nia ya kuvifuta vyama 11 na vilipewa barua za kujieleza kwa nini visifutiwe usajili kutokana na ukiukwaji wa sheria kwa makosa mbalimbali likiwamo la kutowasilisha taarifa za ukaguzi wa fedha.

Katika uamuzi huo, vyama vya Chausta, APPT-Maendeleo na Jahazi Asilia vilifutiwa usajili.

“Mwaka 2016 ulisikia kuna chama kimeenda kutujibu kwenye media? (vyombo vya habari?)Hawakwenda. Walijibu na tulipoona wame-clear (wameweka mambo sawa) tukaachana nao. Sasa utaratibu wa kiofisi tumewaandikia barua (ACT), wanatakiwa watujibu kwa barua, vinginevyo utaona muda ukifika tutachukua hatua,” alisisitiza Nyahoza.

Nyahoza alisema Machi mwaka jana, ofisi ya msajili ilisitisha ruzuku kwa ACT-Wazalendo na chama hicho kilitakiwa kuwasilisha maelezo baada ya kuvunja sheria kwa kutowasilisha taarifa za ukaguzi wa hesabu zake kwa mwaka 2013/2014.

Maalim Seif si chanzo

Alipoambiwa kuna madai kuwa kuhamia ACT kwa Maalim Seif kuwa ndicho chanzo cha mambo yote hayo, Nyahoza alisema hayana ukweli wowote.

“Tulianza kuwapa adhabu ndogondogo (ACT - Wazalendo) tukawaambia wajirekebishe, tangu mwaka jana kipindi kama hiki tuliwapa notice, tukawaambia jamani eeh tuna nia ya kuwachukulia hatua, rekebisheni masuala ya hesabu, tukawafungia ruzuku, lakini mpaka sasa hivi hawajajirekebisha, ni mwaka mzima. Kwa hiyo kama hawatatekeleza kweli kabisa tutawamwaga tu.”

“Tutawaambia wananchi sisi hatuonei mtu, hayo masuala ya Maalim Seif hatunayo, tumeanza mapema sana kushughulika na ACT-Wazalendo, tena tulikuwa tunashangaa Zitto (Kabwe) aliyekuwa mwenyekiti wa PAC (Kamati ya Bunge ya Hesabu za Serikali), anajua umuhimu wa hii kitu, utachelewaje kukileta? (taarifa ya hesabu). Sasa yeye anapata ruzuku je kwa vyama visivyokuwa na ruzuku vifanyeje?” alihoji Nyahoza.

CCM imewahi kuonywa

Nyahoza alisema hakuna upendeleo wala uonevu kwa vyama vya siasa nchini kwa kuwa vyote viko chini ya sheria.

“Hata CCM tuliwahi kuwaandikia barua ya onyo baada ya kuonekana wakifanya kampeni na yule Rais wa China, tulitoa press release (taarifa kwa vyombo vya habari), kwa hiyo hatuna upendeleo,” alisema.

Zitto ajibu

Akizungumza na Mwananchi jana kuhusu mchakato wa kuwasilisha utetezi wao, Zitto alisema wameshakamilisha maelezo wanayotakiwa kuyawasilisha kwa msajili na watafanya hivyo ndani ya muda waliotakiwa.

Machi 26, Zitto katika mkutano wake na waandishi wa habari alizijibu hoja tatu zilizowasilishwa na msajili.

Kuhusu ukaguzi wa hesabu alisema waliwasilisha hesabu za mwaka 2013/14.

“Chama chetu kilianzishwa na kupata usajili wa kudumu Mei 5, 2014 ikiwa ni miezi miwili kabla ya mwaka wa fedha kuisha yaani Juni 30, 2014,” alisema

“Kwa kutumia kanuni za kimataifa za hesabu na kwa ushauri wa CAG, chama chetu kilielezwa kinaweza kuunganisha hesabu za mwaka 2013/14 na za 2014/15 katika ripoti moja, hili ni jambo la kawaida kabisa katika kanuni za uhasibu, inaruhusiwa kuunganisha hadi miezi 18.”

Alisema kabla ya kufanya hivyo, walimwandikia msajili wa vyama vya siasa barua mbili ya Januari 22 na 29, 2015 naye akajibu kuridhia hesabu hizo kuunganishwa kwenye barua ya Februari 16, 2015.

Kuhusu kuchoma bendera za CUF alisema, “msajili alipaswa ajiridhishe anaowatuhumu ni wanachama wa ACT Wazalendo, kabla ya kutuandikia barua. Nina uhakika hawezi kwenda mbele ya mahakama kuthibitisha hilo.”

Kuhusu kutumia neno Takbir, alisema Katiba na kanuni za chama hicho zinaonyesha wazi kuwa hawafungamani na dini yoyote ndio maana wameruhusiwa kufanya shughuli za siasa.

ITAZAME MECHI YA CARDIF VS CHELSEA LIVE HAPA

BONYEZA HAPA KUITAZAMA MECHI HII LIVE
Kumbuka kubonyeza X kama unavyoona hapa chini ili kuitazama mechi vzr

Shilole ampigia magoti Pierre Liquid ‘Akili yangu ndogo, nilishindwa kusoma mazingira nisamehe’

Baada ya kuunga mkono kauli ya RC Mkaonda kuwa Media zinawapa muda mwingi watu wanaofanya mambo ya kipuuzi na kuwafanya wawe maarufu badala ya kufanya hivyo kwa watu wanaofanya mambo ya msingi, hatimaye Shilole ameamua kumuomba radhi mlevi maarufu Tanzania Konki Liquid juu ya kauli yake ya jana usiku.

Shilole kwenye maelezo yake ya msamaha amesema kuwa ‘hakusoma mazingira’ na alijikuta akimbeza Pierre Liquid bila ya kujua anamuumiza kihisia.

KWA WATANZANIA WENZANGU,. KWANZA, NIKIRI KWAMBA NIMEONA WENGI NILIOWAKWAZA KUTOKANA NA MANENO NILIYOONGEA JANA KWENYE TUKIO LILIONDALIWA NA RAFIKI YETU @JOKATEMWEGELO(#TOKOMEZAZIROKISARAWE). KWA KUWAKWAZA HUKO BILA HATA KWENDA MBALI KUTOA MAELEZO YOYOTE, NAOMBA RADHI, MNISAMEHE SANA.

PILI, NAHISI KUNA NAMNA SIJAELEWEKA AU MIMI SIKUWEKA VIZURI MAELEZO YANGU. NINYI MNANIJUA VIZURI, MWENZENU MIMI MARA NYINGI SANA NIMEONGEA VITU HADHARANI KWA KUKOSEA KUTOKANA NA UDHAIFU NA UWEZO WANGU MDOGO KWENYE KUJIELEZEA (HILO MNALIJUA, KWAMBA MIE MWENZENU KIDOGO SHULE SIKWENDA NA WAKATI MWINGINE KICHWA CHANGU KINAPATA MOTO NA HIYO SIO SIFA). SASA NAOMBA MNIRUHUSU KUELEZA KWA UFUPI NIA YANGU. HOJA YANGU MIMI ILIKUWA “KUNA VITU VYA MSINGI HAMZUNGUMZI ILA VITU VYA AJABU MNAZUNGUMZA…..” UKISIKILIZA ILE VIDEO UTASIKIA MSTARI HUO. HICHO NDIO KITU NLICHOTAKA KUELEZA, SIO KUMKASHIFU PIERRE AU MTU MWINGINE YEYOTE. IWAPO PIERRE NI MMOJA KATI YA WATU WALIOKWAZIKA, NAMUOMBA SANA ANISAMEHE. LAKINI TUWE WA KWELI, WATU WENGI WAMEWAHI KUSEMA HILI (KUNA VITU VYA MSINGI HAVITANGAZWI), ILA TU MIMI KWA AKILI YANGU NDOGO NILISHINDWA KUSOMA MAZINGIRA NA MUDA NIKALISEMA JANA. NIRUDIE TENA KUSEMA SAMAHANI.

NIMEONA WENGI WAKIRUDI NYUMA KUTAFUTA MATUKIO YANGU, KUTAFUTA NILITOKEA WAPI HADI HAPA NILIPO. NIWAHAKIKISHIE KWAMBA MIMI NAFAHAMU UPENDO MKUBWA WA WATANZANIA KWANGU KIASI KWAMBA WALINIBEBA HATA PALE NILIPOKOSEA, WALINIVUMILIA KATIKA UJINGA WANGU NA BADO WANAENDELEA KUNIVUMILIA, WANANIPENDA LICHA YA ULEWA WANGU MDOGO (KINGEREZA NA MAMBO MENGINE AMBAYO YAMEGEUKA UTANI DHIDI YANGU), NA WALINIPA NAFASI KUJIFUNZA, KUJIREKEBISHA NA KUKUA HADI HAPA NILIPO.

NARUDIA TENA, NIMEKOSEA KAMA NILIVYOWAHI KUKOSEA MARA NYINGI, NAOMBA RADHI TENA, LAKINI ZAIDI YA YOTE NAOMBA MFAHAMU SIKUWA NA NIA MBAYA, NILIKOSEA TU NAMNA YA KUSEMA NA NISEME WAKATI GANI.

ASANTENI. #CHIIIIIIIIIIIIWATANZANIAMTABAKIKUWAJUUUU

Tazama video hiyo ya Shilole akimnanga Pierre Liquid, kwenye hafla ya jana ya kuchangia kampeni ya Tokomeza Zero.

Anafurahishwa na mzimu kuliko mpenzi wake

Mwanamke mmoja kutoka nchini Uingereza, aitwaye Amethyst Realm ameweka wazi kuwa amewahi kufanya mapenzi na zaidi ya mizimu 20.

Amethyst Realm.

Akizungumza katika Kipindi cha Televisheni cha 'This Morning' cha ITV ya Uingereza anasema kuwa kisa hicho kilianza Mwaka 2005 akiwa na miaka 15 ambapo yeye pamoja na familia yake walipohamia katika Nyumba mpya na baada ya siku chache akaanza kuhisi mtu anamshikashika usiku lakini hamuoni.

Hali hiyo ilipelekea hadi kufanya nae mapenzi, na iliendelea kumtokea kwa miaka mingi.

Anasema hali hiyo ilianza kama nguvu fulani hivi inayompapasa, baadaye akawa anaona kabisa anahemewa mihemo maeneo ya shingoni na kushikwashikwa sehemu za mwili wake usiku bila ya kumuona anayefanya hivyo na baadae wanafanya mapenzi.

Amethyst ameendelea kusimulia kuwa hali hiyo iliendelea hadi siku moja alipokwenda kwa mpenzi wake. Mpenzi wake alipokua akirudi nyumbani usiku alikutana na kivuli kinakimbia, hali iliyomfanya kuhisi kuwa mpenzi wake alikuwa akimsaliti na mwanaume mwingine ndani.

"Nilimwambia mpenzi wangu asihangaike kumfatilia kwasababu asingeweza kumpata kwakua hakua mtu wa kawaida bali ulikua ni mzimu, na baada ya kusema hayo akabeba mizigo yake akawa ameniacha", anasimulia Amethyst.

"Mzimu hauwezi nitoa out siwezi kwenda nao popote lakini raha niliyokuwa naipata sijawahi pata kwa mwanaume yeyote, nilikuwa na enjoy sana na ninapata usingizi mzuri naota ndoto nzuri pia, kuna muda nageuzwa style tofauti kabisa", ameongeza Amethyst .

"Wakati wa tendo nahisi miguso na raha ya ajabu huku anaenifanya simuoni na kuna muda hua nashangaa nageuzwa kabisa kufanyishwa mapenzi kwa staili tofauti tofauti" - Amethyst .

Amethyst amesema kuwa amefanya hivyo kwa muda mrefu sana na mizimu zaidi 20 tofauti na hadi alipobeba ujauzito Mwaka 2017 na aliridhia kuendelea na uhusiano mpaka mzimu huo ulipotoweka wenyewe.

RC Makonda awatahadharisha watu wanaomsapoti Pierre Liquid, Nikki wa Pili atofatiana naye kimantiki

Mkuu wa Mkoa wa Dar Es Salaam, Mhe. Paul Makonda amewatahadharisha watu wote wanaomuunga mkono mnywaji wa pombe maarufu Tanzania, Konki Liquid kwa kuwambia kuwa waendelee kumsapoti lakini matokeo yake watayaona baadae.

RC Makonda

RC Makonda kupitia ukurasa wake wa Instagram, ameandika “Nawapongeza wote mnaunga mkono matendo ya watu kama hawa na kuyapa nafasi katika jamii. Najua kuelewa jambo inahitaji Muda .Ipo siku mtaelewa“.

Jana kwenye hafla ya harambee ya Tokomeza Zero ya DC Jokate, RC Makonda alivitaka vyombo vya habari viache kuwapa watu wenye sifa za ajabu kama akina Dkt. Shika na Konki Liquid na badala yake wawape airtime watu wanaofanya mambo makubwa kwenye jamii.

Kwa upande mwingine rapper Nikki wa Pili kutoka WEUSI yeye amempongeza Pierre Liquid kwa kumuita mnyaji anayejitambua kwani analewa na anafanya mambo ya muhimu kwenye jamii ikiwemo kuchangia elimu.

“Somo la piere kwa wanywaji woteee. …..usinywe ukaenda nyumbani ukampiga mkeo. …..kunywa lakini changia maendeleo ya elimu, amasisha elimu, amasisha michezo na uzalendo kwa timu yako. ……..lakini pia tizama fursa katika unywaji kama huwezi kua konki liquidii basi jadili michongo biashara na madili ukiwa katika unywaji. Ukiwa mnywaji wa namna hii utabaki juu ila ukinywa ukaharibu familia, ukachepuka, ukaharibu kazi, ukala mtaji wewe utabaki chiniiiii haulambi hata Lolo, Chiiiii konki fire,“ameandika Nikki wa Pili.

Jana Pierre Konki ni mmoja ya watu walijitokeza kwenye hafla ya kuchangia kampeni ya Tokomeza Zero, ambayo pia ilihudhuriwa na RC Makonda.

WARABU WAMGANDA MEDDIE KAGERE

Mshambuliaji wa Simba, Meddie Kagere.

MENEJA wa Mshambuliaji wa Simba, Meddie Kagere, Patrick Gakumba anatua nchini hivi karibuni kukutana na viongozi wa Simba kuhusu dili ya nne tofauti. Kwa mujibu wa meneja huyo Raja Casablanca ya Morocco, Zamalek
ya Misri, TP Mazembe na SC Vita zote za DR Congo zimefika bei kwa Kagere.

“Simba ndio wanashikilia mkataba wa Kagere kwa sasa, siwezi kuweka wazi kitu chochote hadi nitakapokutana na uongozi wa klabu hiyo ili niweze kuzungumza nao na ninatarajia kuja Dar hivi karibuni ndio nitajua kama atabaki ama la.

“Kuna timu nyingi ambazo zinamuhitaji Kagere ambazo ni TP Mazembe, SC Vita, Casablanca na Zamaleki zote hizo zilimfuata na kumtaka lakini hatujafikia makubaliano nazo.

“Kitaaluma na kibiashara watu wanakwenda kimkataba, Kagere ni mchezaji wangu ninammeneji lakini Simba ndio wenye mamlaka naye kwa sasa na ndio wenye maamuzi ya kumtoa ama la, hadi tukutane tukae na tuzungumze niwaombe ndipo nitakapowatangazia.

“Watu wakae watambue kwamba, Simba sasa hivi sio timu ya kawaida, maana imeingia katika timu nane bora za Afrika, maana ukiingia katika hatua ya robo fainali ya Ligi ya Mabingwa Afrika hata dunia inakutambua, hata hivyo katika hatua ambayo imefikia hawawezi kumuachia mchezaji mzuri japokuwa lolote linaweza kufanyika,”aliongeza Gakumba.

NEC Yatangaza Tarehe Ya Uchaguzi Jimbo la Joshua Nassari

Tume ya Taifa ya Uchaguzi (NEC) imesema uchaguzi mdogo katika jimbo la Arumeru Mashariki ni Mei 19, 2019.

Mwenyekiti wa NEC, Jaji Semistocles Kaijage akizungumza na waandishi wa habari leo Jumapili Machi 31, 2919 mkoani Morogoro amesema tume ilipokea barua kutoka kwa Spika wa Bunge la Tanzania ambaye kwa kuzingatia kifungu cha 37(3) cha sheria ya taifa ya uchaguzi aliitaarifu Tume kuwepo kwa nafasi wazi ya ubunge katika jimbo hilo.

“Nafasi ya jimbo la Arumeru ipo wazi na imetokana na aliyekuwa mbunge Joshua Samwel Nassari kupoteza sifa ya kuwa mbunge kutokana na kutohudhuria mikutano mitatu ya Bunge mfululizo bila ruhusa ya Spika,” amesema Jaji Kaijage

Amesema amevitaka vyama vya siasa na wadau wote wa uchaguzi kuzingatia sheria, kanuni, maadili ya uchaguzi, taratibu, miongozo na maelekezo ya uchaguzi wakati wa kipindi cha uchaguzi mdogo.

Machi 14, 2019 Spika wa Bunge la Tanzania, Job Ndugai alimuandikia barua Mwenyekiti wa NEC, Jaji Kaijage kumtaarifu jimbo la Arumeru Mashariki lipo wazi kutokana na kutohudhuria vikao vya mikutano mitatu mfululizo.

CAG akabidhi ripoti 17 za ukaguzi kwa Rais Magufuli

Ripoti 17 za Mdhibiti na Mkaguzi Mkuu wa Hesabu za Serikali (CAG), Profesa Mussa Assad, kwa mwaka wa fedha unaoishia Juni 30, 2018 zimekabidhiwa rasmi kwa Rais Dk. John Magufuli.

Kwa mujibu wa taarifa iliyotolewa Dar es Salaam na Ofisi ya Taifa ya Ukaguzi (NAOT), ripoti hiyo imewasilishwa na CAG katika hafla fupi iliyofanyika Ikulu, Dar es Salaam juzi na kuhudhuriwa na viongozi mbalimbali kutoka ofisi hiyo.

CAG alimkabidhi Magufuli ripoti ya Ukaguzi wa Serikali Kuu, Ripoti ya Ukaguzi wa Mamlaka za Serikali za Mitaa, Ripoti ya Ukaguzi wa Mashirika ya Umma na Ripoti ya Ukaguzi wa Miradi ya Maendeleo.

Pia alikabidhi Ripoti ya Ukaguzi wa Mifumo ya Teknolojia ya Habari na Mawasiliano, Ripoti ya Ukaguzi wa Ufanisi na ripoti 11 za ukaguzi wa ufanisi katika sekta mbalimbali.

Sekta hizo ni pamoja na usimamizi wa shughuli za ujenzi wa miradi ya umwagiliaji, usimamizi wa miradi ya maji vijijini, usimamizi wa miradi ya maji itokanayo na visima virefu.

Nyingine ni matengenezo ya mitambo ya kuzalisha umeme, usimamizi wa elimu kwa wanafunzi wenye mahitaji maalumu, usimamizi wa mfumo wa ununuzi wa magari ya Serikali kwa pamoja pia sekta ya ufuatiliaji wa shughuli za ujenzi na majengo ya mijini, usimamizi wa utoaji wa huduma za afya za rufaa na dharura kwa hospitali za rufaa ngazi ya juu, upatikanaji na usambazaji wa pembejeo za kilimo, usimamizi wa utoaji wa huduma ya bima ya afya na ufuatiliaji wa mapendekezo ya ukaguzi wa ufanisi.

Akizungumza baada ya kupokea ripoti hiyo, Magufuli aliipongeza ofisi ya CAG kwa kazi nzuri inayofanya na pia kuahidi kuwa Serikali itaendelea kushirikiana nao kwa karibu na katika kukabiliana na kudhibiti matumizi mabaya na upotevu wa fedha za umma.

Kwa mujibu wa Katiba ya Tanzania Ibara ya 143 kifungu kidogo 2 na 4, kinamtaka CAG kukabidhi ripoti hizo kwa Rais kabla ya Machi 31, kila mwaka na baada ya hapo zinawasilishwa bungeni siku saba za mwanzo za kikao cha Bunge kinachofuata.