YANGA YATIMKIA MOROGORO

Leo kikosi cha Yanga kinaelekea mkoani Morogoro kuanza maandalizi ya msimu mpya

Yanga inakwenda Morogoro ikiwa na nyota wake wote ambao hawakuwa na majukumu ya timu za Taifa kwenye michuano ya Afcon 

Wachezaji walioshiriki Afcon wamepewa mapumziko ya siku 10

Yanga inaanza maandalizi chini ya kocha msaidizi Noel Mwandila wakati kocha Mwinyi Zahera atajiunga na timu baada ya siku 10

Zahera alishatuma programu yote ya mazoezi ambayo itasimamia na Mwandila wakati ambao yeye hatakuwepo

Baada ya kukosa ubingwa wa ligi kuu kwa misimu miwili mfululizo,  lengo la kwanza msimu ujao ni kurudisha ubingwa Jangwani

Lakini pia Yanga inarejea kwenye michuano ya ligi ya mabingwa barani Afrika baada ya kukosa kwa msimu mmoja

Wakati Simba wakitamba kwa kufanikiwa kutinga robo fainali msimu uliopita,  Yanga ina mtihani wa kuhakikisha inafanya vizuri kwenye michuano hiyo

Mabingwa hao wa kihistoria watahitaji angalau kufika hatua ya makundi

Usajili uliofanywa ni wa uhakika na jambo jema ni kuwa wachezaji wote waliosajiliwa walipendekezwa na Zahera isipokuwa mchezaji mmoja tu aliyesajiliwa juzi kuchukua nafasi ya Gadiel

Hata hivyo Zahera aliupa baraka zote uongozi wa Yanga kuziba nafasi ya Gadiel

Wana Jangwani wanasubiri kuiona timu yao, bila shaka Julai 27 wataishuhudia kwa mara ya kwanza uwanja wa Taifa, kilele cha siku ya Mwananchi

Siku hiyo watawafahamu wachezaji wote waliosajiliwa kwa ajili ya msimu ujao ambapo Yanga itashuka dimba la Taifa kucheza mchezo wa Kimataifa wa kirafiki