Polisi wazuia kongamano visiwani Zanzibar, Waondoka na Maalim Seif (+video)

Jeshi la Polisi Zanzibar limezuia kongamano lililoandaliwa na kamati ya maridhiano Zanzibar na kumuondoa ukumbini, Mshauri mkuu wa Chama cha ACT Wazalendo, Maalim Seif.

Tukio hilo limetokea leo mchana Jumatano Julai 31, 2019 kabla ya kuanza kongamano hilo katika ukumbi wa Bitulyamin Malindi mjini Unguja, Zanzibar.

Hata hivyo, bado haijaelezwa chanzo cha kuzuiliwa kwa kongamano hilo. Ingawaje naibu katibu wa kamati ya habari Zanzibar wa ACT-Wazalendo, Seif Hamad, amedai kuwa walifuata masharti yote ya kuomba vibali vya kongamano hilo.