Matumaini ya kumbakisha Okwi Simba ni madogo, Kahata safi

Baadhi ya vyombo vya habari nchini Afrika Kusini vimeripoti kuwa mshambuliaji Emmanuel Okwi anakaribia kusajiliwa na Kaizer Chiefs ya nchini humo

Kaizer Chiefs tayari imemsajili aliyekuwa kiungo wa Simba James Kotei kwa mkataba wa miaka mitatu

Okwi amehusishwa na timu hiyo tangu wakati wa usajili wa dirisha dogo

Hata hivyo Mganda huyo bado yuko kwenye mazungumzo na uongozi wa Simba mvutano ukibaki kwenye suala la mkataba

Wakati Simba ikimtaka asaini mkataba wa miaka miwili, yeye anataka mwaka mmoja ambao inaelezwa utaigharimu Simba Milioni 115

Simba imebaki na nafasi mbili za wachezaji wa kigeni na inaelezwa nafasi moja itachukuliwa na beki Zana Coulibaly ambaye tayari yuko nchini

Nafasi nyingine itachukuliwa na kiungo Francis Kahata ambaye taarifa za awali zimebainisha kuwa tayari amesaini mkataba wa miaka mitatu nchini Misri