Simba kukamilisha usajili wa majembe ya CAF leo

Uongozi wa klabu ya Simba uko 'busy' kukamilisha usajili wa kikosi chake kwa ajili ya michuano ya ligi ya mabingwa barani Afrika msimu ujao

Dirisha la usajili wa michuano ya CAF linafungwa leo na timu zote zitakazoshiriki michuano hiyo msimu ujao, zinapaswa kuwasilisha vikosi vyao

Nyota kadhaa wa kigeni wamewasili nchini kumalizana na Simba ambapo huenda kesho usajili wa nyota hao ukawekwa hadharani

Usajili wa Simba unaoendelea sasa umelenga zaidi michuano ya ligi ya mabingwa

Kutokana na sababu hiyo, Simba imesajili nyota kutoka sehemu mbalimbali ndani na nje ya Afrika

Nyota watatu mabeki Tairone Santos da Silva, Gerson Fraga Vieira na mshambuliaji Wilker Henrique wamesajiliwa kutoka Brazil

Kiungo Sharif Elden Shiboub ametua kutoka nchini Sudan

Wachezaji wa ndani ambao wamesajiliwa ni mlinda lango Beno Kakolanya, beki Kennedy Juma, winga Miraji Athumani na kiungo Ibrahim Ajib