MOI Kutoa huduma kwa njia ya mtandao

Taasisi ya mifupa MOI inatarajia kuanza kutoa huduma kwa mfumo wa mtandao, utakaoziwezesha hospitali mbalimbali nchini kuwa na uwezo wa kutuma picha za X-ray na kusomwa na madaktari bingwa wa Taasisi hiyo na kisha majibu hayo kurudishwa kwa njia ya mtandao.

Akizungumza na waandishi wa habari katika Taasisi hiyo Dkt bingwa wa mifupa Mechris Mango, amesema kwamba mfumo huo utawezesha taarifa kufika kwa urahisi katika chumba hicho maalumu, na kufanyiwa tafsiri itakayowawezesha madaktari waliotuma X-ray hizo kufanya maamuzi wao wenyewe.

"Madaktari wakiwa kule kwenye mashine za X-ray, wanatuma picha ambazo  zinasafirishwa kwa njia za kidigitali,na zikishafika hapa sisi tutaziona na tunaweza kuzifanyia tafsiri ambayo itamuwezesha Daktari aliyeituma kufanya maamuzi" .amesema Dkt Mango.

Aidha Taasisi hiyo itakuwa ikitoa huduma kwa kushirikiana na wadau mbalimbali wa maendeleo, watakaowezesha huduma hiyo kupatikana kwa urahisi zaidi.

TUMEBORESHA APP YETU, TAFADHALI BOFYA HAPA CHINI KUDOWNLOAD APP YETU MPYA ILI KUENDELEA KUPOKEA HABARI KWA WAKATI NA KUTAZAMA MECHI ZOTE LIVE ( UKISHA BOFYA, BONYEZA NENO OPEN IN PLAY STORE KISHA INSTALL )

BONYEZA HAPA KUDOWNLOAD APP YETU MPYA BURE KABISA