Magufuli awavaa RC Makonda na Mkurugenzi “hupewi hela bila kazi” (+video)

Rais wa Jamhuri ya Muungano wa Tanzania, Dkt. John Pombe Magufuli amewaagiza viongozi wa Mkoa wa DSM, Halmashauri ya Manispaa ya Ilala na Shirika la Nyumba la Taifa (NHC) kuhakikisha ujenzi wa machinjio ya ng’ombe, mbuzi na kondoo ya Vingunguti Jijini Dar es Salaam unafanyika usiku na mchana ili ukamilike haraka. 

Rais Magufuli ametoa agizo hilo alipofanya ziara ya kushtukiza katika machinjio hiyo na kujionea hali mbaya ya miundombinu inayotumika hivi sasa na kasi ndogo ya ujenzi wa jengo la machinjio mpya.