Alliance Fc yaikomalia Yanga ifuate utaratibu usajili wa Balama

Yanga inamuwania mshambuliaji wa Alliance Fc Mapinduzi Balama ili kumuongeza katika kikosi cha mabingwa hao wa kihistoria

Inaelezwa tayari makubaliano baina ya Yanga na mkali huyo wa kutupia mabao yamefikiwa

Hata hivyo kikwazo kimebaki kwa uongozi wa Alliance Fc ambao umetaka kukaa mezani na Yanga wakidai mchezaji huyo bado ana mkataba wa mwaka mmoja

Kumekuwa na utata juu ya mkataba wa mshambuliaji huyo ambapo msemaji wa Alliance Fc Jackson Mwafulango amesisitiza kuwa mkataba wake kunako klabu hiyo bado haujamalizika na ameitaka Yanga kufuata taratibu kama inamtaka