SIMBA KUZITAFUTA ALAMA 3 LEO HUKO SHINYANGA

Kikosi cha mabingwa wa soka Tanzania Bara Simba leo Jumapili kinashuka kwenye uwanja wa CCM Kambarage mkoani Shinyanga kuikabili Stand United kwenye mchezo wa ligi raundi ya 29

Simba iko Shinyanga tangu juzi ikijiandaa na mchezo huo unaotarajiwa kupigwa kuanzia saa kumi kamili jioni

Mabingwa hao watetezi wameahidi kuendeleza moto wa ushindi mfululizo kwenye ligi wakiwa wametoka kushinda michezo yote mitano iliyopita

Katika mchezo wa leo Simba itamkosa mshamuliaji wake Emmanuel Okwi ambaye anauguza majeraha aliyopata kwenye michezo dhidi ya Azam Fc na Lipuli

Hata hivyo leo huenda kiraka Erasto Nyoni akarejea kikosini baada ya kupona majeraha ya goti yaliyokuwa yakimsumbua

Kocha Mkuu wa Simba Patrick Aussems amesema wamefuata alama tatu mkoani Shinyanga na watahakikisha wanalikamilisha hilo

Ushindi kwenye mchezo wa leo utaifanya Simba ifikishe alama 51 na kuendelea kukaribia kuipiku Azam Fc yenye alama 53 katika nafasi ya pili