Sasa Diamond na Rayvanny ni namba moja Afrika nzima

Wimbo Tetema kutoka kwa Rayvanny akishirikiana na Diamond Platnumz unazidi kufanya vizuri ndani na nje ya mipaka ya Tanzania. 

Kwa sasa wimbo huo umeweza kukamata nafasi ya kwanza kwenye chati za muziki za Trace Africa. Hii ni baada ya wimbo huo kushika namba mbili kwenye chati za 'DNA Top 5' za BBC Radio 1Xtra nchini Uingereza. 

Huo ni wimbo wa nne kwa Diamond kufanya na Rayvanny, wa kwanza ulikuwa Salome, kisha Iyena na Mwanza uliokuja kufungiwa na Baraza la Sanaa Taifa (BASATA) kutokana na kukiuka maadili.