TFF yatoa pole msiba wa shabiki aliyepoteza maisha uwanja wa Taifa

Shirikisho la Mpira wa Miguu Tanzania (TFF) limetoa pole kwa familia ya Christopha Rupia, shabiki aliyepoteza maisha kwenye mchezo kati ya Tanzania dhidi ya Burundi uliopigwa uwanja wa Taifa Jumapili, Septemba 08

Katibu Mkuu wa TFF Kidao Wilfred leo alifika nyumbani kwa marehemu nje kidogo ya jiji la Dar es salaam kuwasilisha salamu pamoja na rambirambi

Mzee Rupia alipoteza fahamu uwanjani baada ya kukumbwa na mshtuko wa moyo kisha kukimbizwa Hospitalini ambako alipoteza maisha

Alikuwa ni shabiki mkubwa wa timu ya Taifa na inaelezwa siku ya mchezo ni kosakosa za mabao ndizo zilizomfanya akumbwe na shambulizi la moyo

Mzee Rupia anatarajiwa kuzikwa Jumamosi

Mwenyezi Mungu ailaze roho yake mahali pema, peponi AMEN.