Haya hapa matokeo ya Mechi ya Simba vs Mtibwa sugar leo

Simba imeendeleza umwamba wake kwenye ligi kuu ya Vodacom jioni hii baada ya kuichapa Mtibwa Sugar mabao 2-1 katika cmchezo uliopigwa uwanja wa Uhuru

Meddie Kagere mfungaji bora wa ligi hiyo msimu uliopita, ameanza kuonyesha dalili mapema kuwa anakitaka kiatu cha dhahabu kwa msimu wa pili mfululizo baada ya leo kufunga bao lake la tatu msimu huu, akiifungia Simba bao la kuongoza kwenye dakika ya 16

Riphat Khamis aliisawazishia Mtibwa Sugar kwa mpira wa kona kwenye dakika ya 20

Hata hivyo Simba iliyokuwa imetawala mchezo huo kwa muda mwingi, ilijihakikishia ushindi katika dakika ya 68 kupitia kwa Miraji Athumani ambaye nae ameanza vyema msimu akifunga bao la pili

Ulikuwa ni mchezo ambao Simba ingeweza kuondoka na ushindi mnono zaidi kama ingetumia vyema nafasi nyingi walizotengeneza

Ushindi huo unawahakikishia mabingwa hao watetezi ushindi wa asilimia 100 msimu huu

Mchezo unaofuata ni dhidi ya Lipuli Fc na utapigwa katika uwanja huo wa Uhuru

Mapema kabla ya mchezo huo Kagere alikabidhiwa zawadi yake baada ya kuibuka mchezaji bora wa VPL mwezi uliopita