Yanga kucheza na ZESCO United raundi ya kwanza

Baada ya ushindi wa leo, Yanga imebakisha michezo miwili tu kujihakikisha kutinga hatua ya makundi ya michuano ya ligi ya mabingwa barani Afrika

Katika raundi ya kwanza Yanga itachuana na ZESCO United inayonolewa na George Lwandamina kocha wa zamani wa mabingwa hao wa kihistoria

Aidha kiungo Thabani Kamusoko anayecheza timu hiyo atakuwa na nafasi ya kukutana na waajiri wake wa zamani

Lakini habari njema zaidi kwa Yanga ni kuwa hata ikitolewa kwenye hatua hiyo, itashushwa kwenye michuano ya kombe la Shirikisho

Kwenye raundi ya kwanza mchezo wa kwanza utapigwa Zambia na marudiano kupigwa jijini Dar es salaam